Ҳушдори вазир аз вуруди ҳавопаймоии тоҷик ба рӯйхати сиёҳи байналмилалӣ
Низом Ҳакимов, вазири нақлиёти Тоҷикистон, зимни ҷаласаи мушоваратии ин вазорат ҳушдор додааст, ки агар камбудҳои бахши ҳавопаймоии кишвар ислоҳ нагарданд, ин соҳа ба рӯйхати сиёҳи байналмилалӣ ворид мегардад.
Тавре аз Вазорати нақлиёти Тоҷикистон ба хабаргузории “Озодагон” иттилоъ доданд, вазир зимни ҷаласа таъкид кардааст, қариб ҳар парвози дуюм дар кишвар бо таъхир сурат мегирад. Аз ҷумла таъкид шудааст, ки ҳамагӣ 54 дарсади парвозҳо дар кишвар саривақт амалӣ мегарданду боқимонда дер мемонанд.
Дар ҳамин ҳол, Фирӯз Эшонқулов, сардори раёсати авиатсияи граждании Вазорати нақлиёт, гуфтааст, аз 7 ширкати ҳавопаймоии дар ҷумҳурӣ сабти ном шуда, дар бозори мамлакат танҳо 3 ширкат фаъолият намуда, ба таври комил аз иҷрои вазоифашон намебароянд. Эшонқулов афзудааст, ҳар кадоме аз 7 ширкати ҳавопаймоии кишвар стратегияи хусусии худашро дорад, ки бо ин усули яккатозӣ сохторро муттаҳид кардан амри маҳол аст.
Ӯ зарур хондааст, "кадрҳои худиро омӯзиш ва тарбият диҳем. Бояд хатсайрҳои маҳаллии парвози тайёраҳоро эҳё кунем. Агар тайёра дорем сарнишин-халабон надорем. Агар кадр дорем, техника надорем. Бо ин усул намешавад соҳаро обод нигаҳ дошт."
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |