Русский  >>  فارسی  >>  Якшанбе 11 декабр 2016, 18:53

Парлумони тоҷик депутатҳои русро ба риояи одоб даъват кард

24 апрел 2013, 10:27

Вакилони Маҷлиси Намояндагони Тоҷикистон рӯзи 24-уми апрел муроҷиатнома ба Думаи давлатӣ дар робита ба изҳороти ахири бархе аз мақомдорони Русияро қабул карданд.

Дар ин матни муроҷиатнома аз изҳороти Владимир Жириновский, вакили Думаи давлатӣ, дар бораи муҳоҷирони тоҷику президент Эмомалӣ Раҳмон ва бархӯрди Дмитрий Рогозин, муовини нахуствазири Русия, бо қаторҳои ин кишвар изҳори нигаронӣ шудааст.

Дар муроҷиатнома аз ҷумла омадааст, "боиси изтироби махсус мебошад, ки баъзе шахсони баландмартаба, арбобони давлатӣ ва ҷамъиятии Федератсияи Россия дар ҳаққи Тоҷикистон ва шаҳрвандони он дар воситаҳои ахбори оммаи Россия борҳо маълумоти нодуруст изҳор мекунанд. Суханронии таҳқиромез ва бадбинонаи В. Жириновский, ки аз ҷумлаи арбобони баланпояи сиёсии Россия ба ҳисоб меравад, дар ҳаққи халқи тоҷик ва Президенти мо ба рӯҳияи дӯстии анъанавӣ ва ҳамкории стратегии ду кишвар мутлақо мухолиф мебошад. Мо, албатта, гуногунандешии сиёсиро ҳамчун рукни муҳими ҷомеаи демократӣ эътироф мекунем, вале авомфиребии гузаро бо озодии афкор ҳеҷ умумияте надошта, балки бо поймол кардани ҳуқуқи инсон сахт алоқаманд аст. Ин гуна дурӯғбофиҳои сиёсӣ на танҳо ба ҳиссиёти неки инсонӣ, балки ба муносибатҳои байни ду кишвар таъсири манфӣ мерасонанд. Вакилони Маҷлиси намояндагони Маҷлиси Олии Ҷумҳурии Тоҷикистон ин гуна сафсаттаҳои бепояи хусуматомези баъзе сиёсатмадорони Россияро дар ҳаққи шаҳрвандон ва ташкилотҳои Ҷумҳурии Тоҷикистон қатъиян маҳкум менамоянд ва ҳамтоёни худро аз Думаи Давлатии Россия даъват менамоянд, ки дар суханрониҳои оммавии худ одоби муоширатро риоя кунанд."

Шукурҷон Зуҳуров, раиси Маҷлиси Намояндагон, субҳи 24-уми апрел, қабл аз оғози ҷаласаи парлумон, изҳороти ахири Жириновскиро мухолифи равобити дӯстонаи Маскаву Душанбе унвон кард. Вай аз вакилон хоста буд, то баҳси Жириновский низ ба рӯзномаи ҷаласа ворид шуда, вакилон ба ҳамтоёни руси худ муроҷиатнома бинависанд.

“Ҳарчанд мо Русияро расман шарики стратегӣ меҳисобем, мутаассифона, тавассути нашрия ва телевизионҳои давлатии ин кишвар мақолаву гуфтугӯҳое пахш мешаванд, ки зидди муносибатҳои дӯстонаи моянд”,-гуфт Шукурҷон Зуҳуров. Ӯ илова кард, ки суҳбати ахири Жириновский дар бораи муҳоҷирони тоҷик ва ҳамчунин раисиҷумҳури Тоҷикистон “ба ягон меъёри одоби сиёсат рост намеояд”.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
инхо аз худашон рафтан тамоман
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чаноби Зухуров, ин часорат аз кучо?
То ба нафси Чаноби Олй нарасид овоз баланд намекунед?
Барои чи миллат мурда рафта истодааст аз дасти ин бегонахо ягон чора намебинед ва хам намегуед ин хилофи дустии ин ду давлат аст?
Хато Кабирй овоз баланд кард, хама шахсият парастед, миллатпарст нестед!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман бо диккат ин барнома ва диагр барномахои зидди точикиро тамошо кардам, аз он чумла шоми дируз барномаи Шайтон-ктораро.
Аз Кабирй, Зухуров, Шабдолов ва дигарон пайваста икдомхои "газаболудро!" хонад истодаам. Аммо ин хама Чаонбон миллати точикро дуст намедоранд, балки шахсиятро дуст медоранд.
То Президентро тахкир накарданд, хама нахестанд. Аз ин маълум мешаванд, тамоми сиёсатмадорони Точикистон шахсият парастанд, вагарна ба ивази хама куштору тахкири миллати точик овоз, нота ва ё ягон икдомро аз сар мегирифтанд.
Хайфи миллати ман, ки ягон дустдор надорад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Вахдат дар ягонаги аст..гап дар президент Рахмон ё дигараш нест...тахкири давлат ..миллат..ва точик рафтаистодааст...инро фахмед...аз берун....гурчихоро бинед...озароро....молдавану украинхоро..агар аз берун тахкир равад хамаашон аз як гиребон сар мебароранд....Мансаби..президент симои давлат аст...ва фаркаш нест кист вай...
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба Саид,
Дуруст меги бародар, масъалаи тахкири миллату давлат аст инчо, аммо чаро то холо хамин кадар миллату давлатро паст зада, намояндахояшро масхара мекунанд, макомот ба ин вазъ одат кардаанд, дар ин маврид бошад, хама мутаххид шудаанд, барои чи?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ташаккур мухтарам Ш.Зухуров, мешудаст ку хамин хел бо гайрат шудан даркор.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!