Русский  >>  فارسی  >>  Панҷшанбе 8 декабр 2016, 01:07

Раҳмон ва 40-солагии ҲНИТ. Наҳзатиҳо: Даъватнома фиристодем. Дастгоҳ: Нагирифтем

24 апрел 2013, 11:05

Дастгоҳи иҷроияи президенти Тоҷикистон мегӯяд, даъватномаи Ҳизби наҳзати исломии Тоҷикистонро барои иштироки Эмомалӣ Раҳмон дар ҷашни 40-солагии ҲНИТ дарёфт накардаанд.

Фирӯзи Маҳмадсаид,
раҳбари шӯъбаи фарҳанги Дастгоҳи иҷроияи раисиҷумҳур дар суҳбат бо хабаргузории “Озодагон” гуфт, аз даъват шудани Эмомалӣ Раҳмон ба ҷашни 40-солагии ҲНИТ тавассути расонаҳо хабар ёфтаанд, аммо расман даъватномаро дарёфт накардаанд.

Ин дар ҳолест, ки Ҳикматулло Сайфуллозода, сухангӯи ҲНИТ ба “Озодагон” гуфт, даъватномаро як ҳафта пеш дар қабулгоҳи дастгоҳи иҷроия супориданд ва масъулини дастгоҳ ваъда доданд, ки онро ба ҷои лозима хоҳанд расонд.

Дар Хадамоти матбуоти раисиҷумҳур гуфтанд, аз ширкати Эмомалӣ Раҳмон дар чорабинҳо танҳо ду рӯз пеш аз баргузориашон огоҳ мешаванд ва иштироки раисиҷумҳур дар ҷашни 40-солагии ҲНИТ ҳанӯз норӯшан аст.

Норӯшании иштироки раисиҷумҳур дар ҳолест, ки Ҳизби наҳзати исломии Тоҷикистон мегӯяд, аксари даъватшудагони хориҷӣ дар ҷашни 40-умин солгарди ин ҳизб ширкат нахоҳанд кард.

Абдуқаҳҳори Давлат, мудири шуъбаи байналмилалии ҲНИТ, рӯзи 24-уми апрел дар суҳбат бо хабаргузории “Озодагон” гуфт, “дар ҷашни 40- солагии ҲНИТ аз хориҷи кишвар, аз ҷумла аз Британияи Кабир, Фаронса, Олмон, Амрико, Қатар, Тунис, Миср, Алҷазоир, Марокаш, Покистон, Афғонистон, Эрон, Русия, Қирғизистон Қазоқистон ва дигар мамлакатҳо дар маҷмӯъ 200 нафар даъват кардем. Аз инҳо 170 нафараш ба мо ҷавоб доданд, ки дар ҷашн ширкат мекунанд. Аммо акнун аз сабаби он, ки мақомот додани визаро дар Фурудгоҳи байналмилалии Душанбе қатъ кардааст, аксари меҳмонони даъваткардаи мо омадан наметавонанд.”

Масъулини Вазорати умури хориҷии Тоҷикистон далели қатъи додани визаро “фаннӣ” арзёбӣ карда, мегӯянд, иртибот миёни раёсати консулгароии ин ниҳод ва намояндагӣ дар фурудгоҳ қатъ гардидааст. Масъулини Вазорати умури дохилӣ мегӯянд, додани виза дар фурудгоҳ аз 29-уми апрел барқарор хоҳад шуд. Ин дар ҳолест, ки таҷлили 40-солагии ҲНИТ рӯзи 27-уми апрел дар назар аст.


Шарҳи худро бинависед:

Ном:*
E-Mail:
Матни шарҳ:
Посух додан
  • Darvesh

  • 24 апрел 2013 15:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Agar Shumo da'vatnomara burda az dari suni CHoykhonai Rohat 100$ doda ba JO ravon mekarded u allkay dastras mekard ;) SHumo khato karded ki bo blankai HNIT ba onho maktub ravon karded (l)

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!