“Шайтон-Поезд” – филми нав алайҳи қатору муҳоҷирони тоҷик (ВИДЕО)
Шабакаи телевизиони давлатии “Русия 1” дар барномаи "Специальный корреспондент. Шайтан-поезд" вазъи қатор (поезд)-ҳои Тоҷикистон ва муҳоҷирини кории ин кишварро ба баҳс кашид. Николай Злобин, сиёсатшиноси рус, дар ин барнома дар вокуниш ба иддаои коршиносони рус, ки мегуфтанд, Маскав бояд бо кишварҳои Осиёи Марказӣ аз ҷумла Тоҷикистон виза ҷорӣ кунад, гуфт, "ҷорӣ кардани раводид бо як кишвар ба маънои аз даст додани шарики стратегӣ аст". Ӯ меафзояд, агар Русия мехоҳад барои низомиёнаш дар Осиёи Марказӣ мушкил эҷод кунад, пас, виза ҷорӣ намояд. Дар ин барнома теъдоди онҳое, ки аз роҳандозии виза ба кишварҳои ИДМ (СНГ) ҷонибдорӣ мекарданд, зиёд буданд. Онҳо мегуфтанд, ҳамарӯза садҳо муҳоҷири корӣ вориди қаламрави Русия шуда ва бештари онҳо ба таври ғайриқонунӣ кор мекунанд. Дар натиҷа сокинони маҳаллӣ бе ҷои кор мемонанд. Аммо Николай Злобин мегӯяд, бояд мафҳуми "гастарбайтер"-ро аз "бозори ғайриқонунии меҳнат" ҷудо кард. «Бозори ғайриқонунии меҳнат мушкили Тоҷикистон нест. Ин мушкили Русия аст ва ҳамин ҷо шакл гирифтааст. Ин бозор танҳо аз корфармо ва муҳоҷирони ғайриқонунӣ ташкил наёфта, як мушкили системавӣ мебошад»,-афзуд номбурда. Дар ин барнома Валерий Рашкин, депутати Думаи давлатӣ аз ҷиноҳи Ҳизби коммунист гуфт, ҳоло тарҳи ду қонун таҳия шуда ва дар наздиктарин фурсат ба парлумон пешниҳод мешавад. Ба қавли ӯ, "тарҳи аввал дар бораи ҷорӣ кардани низоми раводиди меҳнатӣ аст, ки баъд аз ду ҳафта ба Дума пешниҳод мешавад. Тарҳи қонуни дуюм молиёт барои корфармоёнеро, ки шаҳрвандони хориҷиро ба кор мегиранд, ду баробар зиёд пешбинӣ кардааст. Чунин афрод на 26 фоиз андозе, ки ҳоло ҳаст, балки 52 дарсад молиёт хоҳанд супурд". VIDEO
Мӯҳр
ТАҚВИМ
« Март 2024 »Душ Сеш Чор Пан Ҷум Шан Якш 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31