Русский  >>  فارسی  >>  Якшанбе 4 декабр 2016, 23:27

Мақомоти Қирғизистон: Талбандаҳо аз Тоҷикистону Узбакистон боздошт шуданд

25 апрел 2013, 12:18

Дар Қирғизистон як гуруҳ аз шаҳрвандони Тоҷикистон ва Узбакистонро боздошт намудаанд, ки бо тифлони хурдсоли худ ба талбандагӣ машғул буданд.

Дафтари матбуоти ҳукумати Бишкек, пойтахти Қирғизистон, мегӯяд, рӯзи 24 ва 25-уми апрел ба хотири коҳиш додани мизони қонуншиканӣ миёни наврасон аз ҷониби мақомоти пулиси қирғиз рейд гузаронда шуд, ки дар рафти он се “зани тоҷик”-ро боздошт кардаанд.

Ин се зан яке бо набераи 10-сола ва дигаре бо тифли тақрибан 10-моҳаи худ машғул ба талбандагӣ будаанд. Инчунин се тани дигар аз шаҳрвандони Узбакистон боздошт шудаанд, ки яке аз онҳо маъюби дараҷаи аввал буда, бо фарзанди 10-солааш гадоӣ мекардааст.

Ба иттилои манбаъ, боздоштшудагон ҳоло дар идораи пулиси шаҳри Бишкек қарор дошта, баъд аз омода шудани асноди зарурӣ аз Қирғизистон ба ватанашон ихроҷ хоҳанд шуд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!