Русский  >>  فارسی  >>  Шанбе 10 декабр 2016, 13:44

Шарифзода ба президент гуфт дар 3 моҳ даромади мардум 20 % зиёд шуд

27 апрел 2013, 08:45

Нимаи дуюми рӯзи 26-уми апрел Эмомалӣ Раҳмон, раисиҷумҳури Тоҷикистон бо вазирони роҳбарони мақомоти давлатӣ доир ба вазъи иҷтимоию иқтисодии ҷумҳурӣ дар семоҳаи аввали соли равон машварати корӣ баргузор кардааст.

Тавре аз Дафтари матбуоти раисиҷумҳур ба хабаргузории “Озодагон” иттилоъ доданд, дар ҷаласа нахустин вазири рушди иқтисод ва савдо Шариф Раҳимзода гузориш дода гуфтааст, даромади аҳолии Тоҷикистон дар се моҳи аввали соли равон нисбат ба соли гузашта 19,8% афзун гардидааст.

Эмомалӣ Раҳмон дар муроҷиат ба Шарифзода аз фаъолияти нокифояи минтақаҳои озоди иқтисодӣ изҳори норозигӣ карда, супориш додааст, кори онҳо ҷоннок гардад.

Сафаралӣ Наҷмиддинов, вазири молия гуфтааст, дар се моҳ ба буҷа 2,5 миллиард сомонӣ ворид гардидааст, ки нисбат ба нақша 40 миллион ва нисбат ба ҳамин давраи соли гузашта 550 миллион сомонӣ зиёд аст. Наҷмиддинов ба ба президент гузориш додааст, ки дар се моҳи аввали соли равон 5 созишномаи қарзию грантӣ бо маблағи умумии 360 миллион сомонӣ ба имзо расида, лоиҳаи 6 созишномаи дигар бо маблағи 500 миллион сомонӣ дар арафаи ба имзо расидан қарор доранд.

Вазири энергетика ва саноат Гул Шералӣ, гуфтааст, ки дар се моҳ дар кишвар 79 корхонаи саноатӣ бо 1340 ҷойи корӣ ба кор даромад.

Баъди шунидани гузориши вазирону роҳбарони дигар дар охири машварат Эмомалӣ Раҳмон ба роҳбарони мақомоти ҷумҳуриявию маҳаллӣ, пеш аз ҳама доир ба татбиқи амалии супоришҳои дар паёми Президенти Ҷумҳурии Тоҷикистон ба Маҷлиси Олӣ баёнгардида, супориш додааст. Аз ҷумла президент дастур додааст, ки шабакаи гармидиҳии шаҳри Душанбе барои қабули гармӣ аз Маркази нави барқугармидиҳӣ, ки тирамоҳи имсол навбати аввалаш бо иқтидори 50 мегаватт бояд ба кор дароварда шавад, омода созанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Камол

  • 1 май 2013 07:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Даромади мардум дар 20 соли охир 20% зиёд шудааст, на дар семохаи ин сол - ин хел мегуфт бовар мекардам.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
АГАР БА ГУФТАИ ВАЗИРХОИ МУХТАРАМ ГУШ КУНЕМ, ОЛАМ ГУЛИСТОН ШУДАСТ ВА ТОЧИКИСТОН БА МАРХИЛАИ СОЦИАЛИЗМИ МУТАРАККИ ДОХИЛ ШУДА ИСТОДААСТ. ХУДО НИГАХБОН БОШАД!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!