Бахшҳо

Президент ҳангоми аспдавонӣ афтид ва зинда монд (Видео)

Қурбонгулӣ Бердимуҳаммадов, райисҷумҳури Туркманистон зимни пойгаи рӯзи якшанбе аз асп ба замин афтид. Дар ин бора сомонаи EurasiaNet.org хабар дода ва навори сарозер шудани президентро намоиш додааст.

Қаблан расонаҳои туркманӣ хабар доданд, ки Бердимуҳаммадов рӯзи 28-уми апрел дар мусобиқаи аспдавонӣ дар ҷашни бахшида ба “Аспи туркманӣ” ширкат ва ҷойи аввалро ишғол намуда, бо 11 миллион доллари амрикоӣ қадрдонӣ шуд. «Қурбонгулӣ Бердимуҳаммадов ин маблағро ба хотири тақвияти моддию техникии варзиши аспсаворӣ ба Иттиҳоди давлатии “Туркманатларӣ” тақдим кард»,-навиштанд ВАО-и Туркманистон. Бино ба иттилои расонаҳои Туркманистон президент бо аспи «Тавоно» дар 1 дақиқаву 12.2 сония ба хатти марра расид. Аммо имрӯз, 30-юми апрел навори видеоие дар интернет нашр шуд, ки ҳолати аслии пойгаи рӯзи якшанберо намоиш медиҳад.

Дар навори пешниҳодкардаи EurasiaNet.org дида мешавад, ки президент баъди аз марра гузаштан аз асп меафтад ва чанд лаҳза беҳаракат мехобад. Вазирон ва кормандони хадамоти амниятии Бердимуҳаммадов зуд назди ӯ ҷамъ меоянду бо мошини «Ёрии таъҷилӣ» ба беморхонааш мебаранд. Ба навиштаи EurasiaNet.org, тақрибан як соат тамоми иштирокчиёни мусобиқа дар ҷойҳои худ нишастанд. Касе намедонист, ки райиси ҷумҳур зинда аст ё на.

ВАО-и маҳаллӣ танҳо қисмати пирӯзии Қурбонгулӣ Бердимуҳаммадовро намоиш доданд ва аз ҳодисаи сарозер шудани вай чизе нагуфтанд. Кормандони хадамоти амниятӣ ба миёни тамошобинон омада, нафаронеро ҷӯстаанд, ки телефони мобилӣ ё дастгоҳи наворбардорӣ дошт. Ҳамаро маҷбур сохтаанд, ки навори афтидани президентро пок намояд ва касеро аз варзишгоҳ берун шудан намегузоштанд.

-Тақрибан баъди як соат Қурбонгулӣ Бердимуҳаммадов ба варзишгоҳ баргашт. Ҳама қарсак заданд, -менависад EurasiaNet.org.

Ба иттилои манбаъ, шоми ҳамон рӯз президент бори дигар назди издиҳом омад, то ғолибонро ҷоиза бидиҳад.

«Президент «Тавоно»-ро бахшид. Ӯ аспро назди худ кашид ва бӯсид. Ба назар мерасад, дар Туркманистон танҳо асп метавонад Бердимуҳаммадовро афтонад ва барои ин ҳеч ҷазое набинад», - менависад хабарнигори EurasiaNet.org.

Ҷашни “Аспи туркманӣ” ҳамасола рӯзи якшанбеи ахири моҳи апрел дар Туркманистон таҷлил мегардад. Гуфта мешавад, чун раисиҷумҳури Туркманистон яке аз мухлисон ва дӯстдорони варзиши аспсаворӣ мебошад, солҳои охир ин ҷашн ба таври густардаву бошукӯҳ гузаронида мешавад.




Мӯҳр
Насим
Мешавад чунин фалокатхо, худо шохони худкомаро бо усуле аз дунё мебарад, ки дар хаёли касе набуд.
Саломатй ва амнияти шохони худхох кафолати будани онхо сари кудрат намебошад, амалхои беинсофонаашон хато аз болои уштур ба онхо хамла хохад кард.

Човандоз
Ин барои Курбонгули як дарс шуд донад ки агар худованд хохад аз дасти ту хеч намеояд!

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)