Иттиҳодияи Аврупо қарор кардааст, ки пардохти 3.7 миллион евро маблағи грантро, ки барои маркази хайрияи духтари хурдии президенти Узбакистон ҷудо карда буд, ба таъхир андозад.
Ин тасмим пас аз он гирифта шуд, ки бевосита ба ҳисоби ташкилоте, ки духтари президенти Узбакистон раҳбарӣ мекунад, ворид гаштани маблағи мазкур барои ҳама ошкор гашт. Ин дар ҳолест, ки пештар як масъули Комиссияи Аврупо дар сӯҳбат бо расонаҳои хабарӣ гуфта буд, ки маблағи мазкур грант нест, балки яке аз лоиҳаҳо ҳамкорӣ байни Иттиҳодияи Аврупо ва Узбакистон аст.
Ёдрас мешавем пас аз шикояти Лола Каримова ба додгоҳи Фаронса алайҳи як рӯзноманигор, ки дар мақолааш ӯро духтари диктатор навишта буд, мавзӯъи ин грант ошкор гашт. Ҳамакнун ба назар мерасад Лола Каримова дар як додгоҳ ду бор бозанда шуд. Аввалан, он рӯзноманигор метавонад аз ин пас бе ҳеч нигаронӣ Лоларо «духтари диктатор» бигӯяд, зеро додгоҳ чунин ҳукм содир кард. Аз сӯи дигар эҳтимол дорад маркази хайрияи духтари президенти Узбакистон аз 3,7 миллион евро маблағ низ маҳрум шавад.{jathumbnail off}
Мӯҳр