Русский  >>  فارسی  >>  Ҷумъа 9 декабр 2016, 04:56

Вазир: Ором гузаштани интихобот аз мақомоти пулис вобаста аст

30 апрел 2013, 13:54

Рамазон Раҳимов, вазири умури дохилии Тоҷикистон, имрӯз, 30-юми апрел, дар ҷаласаи мушовараи ниҳоди зертобеаш 2013-ро “соли чорабиниҳои муҳими ҷамъиятию сиёсӣ” унвон карда, кормандони пулисро ба зиракию ҳушёрии махсус даъват кард.

Раҳимов интихоботи президентии моҳи ноябри соли 2013 ва Конференсияи байналхалқии ҳамкорӣ дар соҳаи оби тозаро зикр карда, таъкид намуд, ки “дар фазои сулҳу оромӣ, якдигарфаҳмӣ ва дар сатҳи баланди фарҳангиву сиёсӣ гузаронидани ин маъракаҳо аз хизмати софдилона ва поквиҷдононаи кормандони мақомоти корҳои дохилӣ, вобастагии калон дорад.”

Ӯ дар муроҷиат ба ҳайати воломақоми мақомоти пулис афзуд, “гузаронидани ин чорабиниҳо масъулияти бештар, зиракии сиёсиву хизматиро талаб менамояд ва боварӣ дорам, ки бо иқтидори кадрии мавҷуда, бо кӯшишу ғайрати ҳар яки шумо ин маъракаҳо дар сатҳи баланд доир карда мешаванд.”

Вазир ёдрас кардааст, ки “ҳар яки мо савганд ёд намудаем ва бояд ба коре, ки пеша кардаем содиқ бимонем. Савганд хӯрдаем, ки дар мавриди зарурӣ ҳаёти худро барои ҳифзи сохти ҷамъияту давлат ва тартиботи ҳуқуқӣ дареғ намедорем.”

Дар Тоҷикистон моҳи ноябри соли равон интихоботи президентӣ дар назар аст. Барои иштирок дар ин маъракаи сиёсӣ ҳамаи аҳзоби сиёсӣ изҳори омодагӣ кардаанд, вале ягон ҳизб то ҳол номзади мушаххасро пешбарӣ накардааст. Эмомалӣ Раҳмон, раисиҷумҳури феълии Тоҷикистон, ахиран изҳор дошт, ки дар мавриди ширкат дар интихобот то ҳол қарор қабул накардааст, вале ҳамчун кафили иҷрои Сарқонун кафолат медиҳад, ки интихобот шаффофу демократӣ хоҳад гузашт.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
bale, vazir zirakii ciyociro az dast nadeh. safi kuvvahoi sumo az mardum ham beshtar va ziyotar gashatashtu kori shumo malum nest..In sharmandagi ast, 25.03.2013 Cabrinau Malika gum shuda to hol darakash nest kujoyand. In natijai kori shumo ast rafik vazir.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!