Русский  >>  فارسی  >>  Шанбе 3 декабр 2016, 20:39

Бахшида ба 9-уми май дар Душанбе муҳорибаи бидуни қоида мегузарад

30 апрел 2013, 16:11

Дар Тоҷикистон бахшида ба Иди Ғалаба, ки 9-уми май таҷлил мешавад, муҳорибаҳои омехта ё худ бидуни қоида баргузор мегардад.

Тавре Саидалӣ Уразалиев, президенти Федератсияи муҳорибаи омехта дар Тоҷикистон ба хабаргузории “Озодагон” иттилоъ дод, муҳорибаҳои омехта рӯзҳои 5-6-уми май дар шаҳри Душанбе сурат хоҳанд гирифт. Ба қавли номбурда дар мусобиқаи мазкур паҳлавонони шинохтаи ин намуди варзиш аз вилоятҳои Суғду Хатлону Бадахшони Кӯҳӣ, ноҳияҳои тобеи марказ ва шаҳри Душанбе дар вазнҳои гуногун ҳунарнамоӣ хоҳанд кард.

Ба гуфтаи Уразалиев ин намуди варзиш ба саломатии варзишгарон ҳеч осеб намерасонад, вале нисбат ба дигар намудҳои варзиш вазнин аст: “Ин навъи варзиш бо номи муҳорибаи бидуни қоида маъруф бошад ҳам, мисли дигар намудҳои варзиш қоидаҳову шартҳои худро дорад. Барои мисол, дар муҳорибаи омехта газидани ангушт, кофтани чашм, кашидани мӯи сари ҳариф, зарба ба узвҳои мардонагӣ ва паси сар манъ аст.”

Уразалиев мегӯяд, ҳаводорони ин навъи варзиш рӯз аз рӯз зиёд шуда истодаанд: “Дар маҷмӯъ, дар саросари кишвар ҳудуди 3000 нафар ҷавонон ба машқу тамрин дар ин намуди варзиш машғуланд.”


Шарҳи худро бинависед:

Ном:*
E-Mail:
Матни шарҳ:
Посух додан
  • 300

  • 1 май 2013 09:13
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
аку меген кад-кади куча гашта бковем дар кчо баргзор мешда боша. махал ва соати огозша хам нависен дя.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!