Русский  >>  فارسی  >>  Чоршанбе 7 декабр 2016, 02:46

Иқдоми Ҳилоли Аҳмар: Бо ирсоли паёмак ва харҷи 30 дирам, “ҳамдарди дигарон бош”

30 апрел 2013, 17:33

Моҳи май дар Тоҷикистон як моҳи Ҳилоли Аҳмар эълон шудааст, ки зери шиори “Ҳамдарди дигарон бош” баргузор гардида, ба 150-солагии Кумитаи байналмилалии Салиби Сурх бахшида шудааст.

Зафар Муҳаббатов, дабири кулли Ҷамъияти Ҳилоли Аҳмар дар Тоҷикистон, рӯзи 30-юми апрел зимни як ҳамоиш дар Душанбе гуфт, ин иқдом ба хотири муттаҳид сохтани ҷомеа барои коҳиш додани дарду ранҷи табақаи осебпазир роҳандозӣ шудааст. Зимни нишаст иттилоъ дода шуд, ки давоми моҳи май шохаҳои вилоятӣ, минтақаӣ, шаҳрӣ ва ноҳиявии Ҳилоли Аҳмар аз ҳар хоҳишманд кумакро пазируфта, кафолат медиҳад, ки онро то ниёзмандон мерасонад.

Масъулини Ҳилоли Аҳмар мегӯянд, ҳар шаҳрванди Тоҷикистон, ки мехоҳад ба ниёзмандон кӯмак расонад тавассути ҳар ширкати мобилӣ вожаи “бале” ё “да”-ро чун паёмак (СМС) ба рақами 7374 ирсол кунад ва ба ҳамин восита 30 дирамро барои ниёзмандон равона хоҳад кард. Инчунин, ин созмон мегӯяд, ҳар хоҳишманд метавонад ба суратҳисоби 20202972916900000711 “Ориёнбонк” дар шаҳри Душанбе дар хиёбони Рӯдакӣ 95/1 кумакпулӣ ворид намояд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!