Русский  >>  فارسی  >>  Сешанбе 6 декабр 2016, 10:45

Ҷунбиши миллӣ хост, Эмомалӣ Раҳмон дар интихобот ширкат накунад

1 май 2013, 10:03

Ҷунбиши миллии Тоҷикистон дар як муроҷиатнома аз раисиҷумҳури кунунии Тоҷикистон -- Эмомалӣ Раҳмон хостааст, то дар интихоботи президентӣ номзадияшро нагузорад.

Ин интихобот моҳи ноябри соли 2013 баргузор хоҳад шуд. То ҳол танҳо Ҳизби ҳокими ҳалқӣ-демократии Тоҷикистон гуфтааст, ки бо номзади худ дар он ширкат меҷӯяд ва он ҳам Эмомалӣ Раҳмон аст. Аҳзоби дигар то ҳол тасмими қатъии худро рӯшан накардаанд.

Ҷунбиши миллии Тоҷикистон дар изҳороти худ ба оқои Раҳмон муроҷиат кардаву гуфтааст, "ба хотири ҳифзи арзишҳои демокросӣ ва тараққиёте, ки миллати Тоҷикистон бо шаъну шараф арзанда асту орзуяш дорад, аз Шумо хоҳиш мекунем, дар интихоботи ояндами раисҷумҳурӣ ҳамчун номзад ширкат накунед. Ин шояд саҳми беҳтарини Шумо дар тақвияти мардумсолорӣ ва рушди воқеии кишвар гардад, вале, албатта, охирин нахоҳад буд. Мо умедворем, ки Шумо бо ҳизби худ дар таъмини интихоботи шаффоф ва озод ҷидду ҷаҳд мекунед, ки боиси ифтихори мардум гардад ва заминаи хуб барои ташкили ҳукумати масъулиятнок ва мутахассисин дар хидмати мардум фароҳам ояд».

Ҷунбиши миллӣ дар идома қабули Созишноми Сулҳ миёни ҳукумат ва нерӯҳои мухолифин дар соли 1997-ро як қадами мусбат дар давлатдории тоҷикон унвон карда, гуфтааст, тамоми миллат аз нақши Эмомалӣ Раҳмон ва ҷониби дигар дар ин дастоварди муҳим қадрдонӣ мекунад. "Вале таъқиби пайвастаи ҳизбҳои рақиб, маҳдудияти воситаҳои ахбори мустаққил, шиканҷаи зиндониён, нақзи қонун ва суистифодаи додгоҳҳо, фасоди фарогир, ашхоси тасодуфӣ дар ҳукумат, камбуди диққат ба сифати омӯзиш ва беҳдошти аҳолӣ, ҷойҳои кории пастмузд, муҳоҷирати меҳнатии носолим ба Русия, бохтани замин ба Чин, фиреб дар корхонаҳои давлатӣ, аз ҷумлаи Талко, роҳҳои пулакӣ, вобастагии рӯзафзун аз молхои хориҷӣ ва болоравии нархҳо сатҳу сифати зиндагии аксари мардуми Тоҷикистонро коҳиш дода, орзуи насли ҷавон барои ояндаи дурахшонро аз байн бурдааст",-таъкид шудааст дар ин муроҷиатнома.

Ҷунбиши миллии Тоҷикистон ба Қонуни асосии Тоҷикистон ишора кардааст, ки дар боби 4, банди 65-и он омада, ки «як шахс ба вазифаи Президент бештар аз ду мӯҳлат пай дар пай интихоб шуда наметавонад.» Дар идомаи он гуфта шудааст, "яъне, бо иштироки худ дар интихоботи 1994, 1999 ва 2006 Шумо аллакай се муҳлат пай дар пай дар вазифаи раисҷумҳур фаъолият кардаед."

Ҷунбиши миллии Тоҷикистон як созмони сиёсиест, ки дар Вазорати адлияи ин кишвар сабтином нашудааст. Ин созмони сиёсӣ қаблан бо як изҳорот Раҳматилло Зоиров, раҳбари ҲУСДТ-ро номзади худ ба интихоботи раёсатҷумҳурӣ эълон карда буд.


Шарҳи худро бинависед:

Ном:*
E-Mail:
Матни шарҳ:
Посух додан
  • аз Душанбе

  • 1 май 2013 10:54
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
беле бояд конунро риоя кард модоме ки чаноби оли риоя накунанд пас халк ба конун риоя мекунадми?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чунбиши милли аввалан худашро ном навис намояд бад ба мардум кору рохравиро омузад! Ба фикри ман Чаноби оли бояд дар ин интихобот ширкат намоянд чун, ки узбакистон ин чизро интизор аст. Худо хохад мо мардуми Точик бо аклу хирад хастем ва зиракии сиёсиро аз даст нахохем дод! Барои хамин ХХДТ номзади арзандаро пешниход кардааст. Ин фикри шахсии ман буд ба дигар низ метавонанд фикри худро нависанд! Ман дар замони имруз ракиби арзандаро нисбат ба Чаноби оли намебинам! Боки сарбаланду хонаообод бошед.
Посух додан
  • rrte

  • 1 май 2013 18:16
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ВАКТ ДОВАР АСТ НА ИНУ НА ОН
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
bale nomzadiyashro namonad xubast in kas agar nomzadiyoshro monad digar kujo demokrati memonad
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Вакт хама чизро нишон хохад дод мардуми точик сабур бошед.
Посух додан
  • анти аспирант

  • 1 май 2013 23:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
набояд шахсият параст шуд наход аз8 млн точик хадди акалан як нафархам ефт нашавад
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мо мардуми точик бояд ба раисиҷумҳури Тоҷикистон -- Эмомалӣ Раҳмон овози худро тихем эй мардум магар ин одам набуд ки точикистони моро обод кард ёдовар шавед солхои 1991-ро душанбе чи ахвол дошт хозир чи ? курнамаки накунед одамхои хуб ин кадар мактаб сохтмон роххо хамаш бо машакати чаноб шуда истодааст

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!