Русский  >>  فارسی  >>  Якшанбе 4 декабр 2016, 23:28

Даъвати USCIRF аз Амрико барои фишор ба ҳукумати Тоҷикистон

2 май 2013, 12:00

USCIRF - Комиссияи амрикоӣ оид ба озодии байналмилалии динӣ аз Амрико хостааст, ба ҳукумати Тоҷикистон фишор орад, то ин кишвар қонунгузории худро дар робита ба озодии динӣ дар асоси аҳдномаҳои байналмилалӣ ба роҳ монад.

USCIRF дар гузориши ҷадиди худ, ки рӯзи 30-уми апрел нашр гардидааст, вазъи озодии динӣ дар Тоҷикистонро нигаронкунанда хондааст. Ин созмон аз ИМА хостааст, дар сурате ҳукумати Тоҷикистон уҳдадориҳои байналмилалиияшро дар робита ба озодии динӣ иҷро намекунад, аз кӯмак ба мақомоти амниятӣ ва ҳифзи ҳуқуқи тоҷик худдорӣ кунад. Ба гуфтаи Комиссияи амрикоӣ дар нақзи ҳуқуқу озодиҳои динӣ бештар мақомоти қудратию амниятӣ даст доранд.

Ин ниҳоди амрикоӣ дар ин гузориши худ беш аз 12 саҳифаро ба Тоҷикистон бахшида, навиштааст, мақомоти тоҷик тамоми фаъолиятҳои диниро, новобаста аз он ки ҷудо аз давлат мебошанд саркӯб менамояд: “Дар ин кишвар бархе афрод ба хотири эътиқоду боварии динияшон равонаи зиндон мешаванд. Дар ҳоле, ки иттиҳомоти онҳо исбот нашудаанд.”

Инчунин омадааст, ки тайи чор соли ахир дар Тоҷикистон қонунҳои вазнине алайҳи фаъолиятҳои динӣ ба тасвиб расиданд: “Бар асоси ин қавонин барои фаъолиятҳои динии сабти ном нашуда ҷазои ҷиноӣ таъйин карда шудааст. Ин қавонин гирифтани таълимоти диниро ба таври хусусӣ манъ намуда, ба ҳукумат иҷоза медиҳад, то имом-хатибони масоҷидро худ таъйин кунад ва тамоми фаъолияти диндоронро таҳти назораташ қарор бидиҳад.”

Комиссияи амрикоӣ инчунин зикр кардааст, ки дар Тоҷикистон рафтани наврасони то 18-сола ба масоҷид ва иштирок дар ҳаргуна ҷамъомадҳои динӣ, пӯшидани либосҳои мазҳабӣ барои занҳо дар таълимгоҳҳо манъ буда, мондани риши дароз барои мардон маҳдуд мебошад.


Шарҳи худро бинависед:

Ном:*
E-Mail:
Матни шарҳ:
Посух додан
  • Комрон

  • 2 май 2013 14:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба дарачае расидааст хукумат, ки дигар гайри мусалмонон даъваташ карда истодаанд, ки хукуки мусалмононро поймол накунад. Ин бадбахти аст.
Посух додан
  • zanja

  • 2 май 2013 19:01
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Агар Дар Хукумати мо мусалмонхои комил кор мекардан. Мо Милати тамадунсоз шармада намешудем бо ин конуни баровардаи Парлумон...
Посух додан
  • Миллатгаро

  • 6 май 2015 10:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аломати болои герби давлатии Амрико ғайриихтиёр нишони парчами давлатии Исроилро ба ёд меорад, ки худ мусалмонҳоро мекушад, таҷовуз мекунад ва хоки онҳоро соҳиб мешавад... Ин қадар мардуми паст набояд шуд ки дустро аз душман фарқ натонем.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!