Русский  >>  فارسی  >>  Якшанбе 11 декабр 2016, 03:22

Ҷоми AFC-2013: “Равшан” ва “Регар-ТадАЗ” дар нимароҳ монданд

2 май 2013, 12:17

Ин ду даста, ки дар Тоҷикистон овозадор буданд ва яке аз сермухлистаринҳо ба шумор мерафтанд, дар мусобиқаи гуруҳии Ҷоми AFC-2013 ба марҳилаи ниҳоӣ роҳ наёфтанд.

Дастаи “Регар-ТадАЗ”-и Турсунзода, ки дар бозиҳои гуруҳии Ҷоми AFC-2013, дар гуруҳи “А” қувваозмоӣ мекард, бозии охиронашро рӯзи 1-уми май бо тими “Ал Риффа” дар сафар мусовӣ 1:1 анҷом дод.

Футболбозони дастаи "Регар-ТадАЗ" аввалин бозии даври гуруҳии Ҷоми AFC-2013-ро дар гурӯҳи “А” дар меҳмонӣ бо тими “Сафо”-и Лубнон бо ҳисоби 1:1 анҷом дода буданд ва дар чор бозии дигар шикаст хурдаанд. Онҳо дар 6 бозӣ 5 гол ба дарвозаи ҳарифон ворид намуда, 16 гол хӯрдаанд.

Пас аз анҷоми бозиҳои гуруҳӣ аз гуруҳи “А” дастаи “Кувайт” бо 12 имтиёз ҷойи аввалро соҳиб шуда ва ба даври ниманиҳоӣ роҳхат гирифт . “Ал-Риффа” ва “Сафо” бо 10 имтиёзи мутаносибан дар ҷойҳои дуюму сеюм қарор гирифтанд. Дастаи “Регар-ТадАЗ” бо 2 имтиёз охирин ҷой гирифт.

Дастаи “Равшан”-и Кӯлоб, ки дар мусобиқаи гурӯҳии Ҷоми AFC-2013, дар гурӯҳи “D” бозӣ мекард дар бозии охиронаш аз “Ал Шорта”-и Сурия бо ҳисоби 1:3 шикаст хӯрд. Ин бозӣ дар Варзишгоҳи марказии шаҳри Хуҷанд баргузор гардида буд. Дастаи “Равшан” дар панҷ бозии қаблияш дар мусобиқаи гурӯҳии Ҷоми AFC-2013 шикаст хурдааст. Футболбозони дастаи “Равшан” дар шаш бозӣ ба дарвозаи ҳарифонашон ду тӯб ворид намудаанд ва 17 гол хурдаанд.

Ҳаминтариқ тими “Ал Қудсия” бо 13 имтиёз ба марҳилаи ниҳоӣ роҳ ёфт. “Ал Шорта” бо 12 имтиёз дуюм шуд. “Ал Рамза” бо 10 имтиёз дар ҷойи сеюм қарор гирифт. Дастаи “Равшан” бидуни имтиёз дар зинаи охирин монд.


Шарҳи худро бинависед:

Ном:*
E-Mail:
Матни шарҳ:
Посух додан
  • Мухлис

  • 2 май 2013 15:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дигар дар ин хусус илтимос нанависед! Бовар кунед шарманда карданд ин ду тими точикистон!! Кани раиси ФФТ!,Кани Рустами Эмомалй! Албатта дар ЧТ корупсия,махалчигй ва хешу таборбозй дар дарачаи олй ин натичаи сиёсати «хирадмандона»-и чаноби Рахмон аст!! Хайфи «Равшан»-у «Регар» шарманда карданд Точикистонро...

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!