Русский  >>  فارسی  >>  Сешанбе 6 декабр 2016, 07:50

“Бобак Занҷонӣ дигар муассиси «Kont Investment Bank»-и Тоҷикистон нест”

2 май 2013, 15:45

Файзулло Солеҳов, раҳбари намояндагии «Kont Investment Bank» дар Тоҷикистон мегӯяд, таҳримҳои эълонкардаи Вазорати молияи Амрико ба фаъолияти ин бонк дар Тоҷикистон таъсире нахоҳад дошт.

Солеҳов рӯзи 2-юми май дар суҳбат бо хабаргузории “Озодагон” гуфт, аз таҳримҳои Амрико нисбати шаш ширкат, аз ҷумла «Kont Investment Bank», мақараш дар Душанбе огоҳ аст: “Ин таҳримҳо ба он далел сурат гирифтаанд, ки гӯиё муассиси «Kont Investment Bank», шаҳрванди Эрон, Муртазо Бобаки Занҷонӣ аст. Аммо Муртазо Бобаки Занҷонӣ собиқ муасиси «Kont Investment Bank» аст ва 22-юми январ иваз шуда буд. Аз 22 январи соли равон ин ҷониб муассиси “Kont Investment” Мервей Юнакоф, шаҳрванди Туркия, мебошад.”

Файзулло Солеҳов изҳори умед кард, ки нофаҳмие, ки боиси таҳримбандии бонк аз ҷониби Амрико шудааст, ояндаи наздик аз ҷониби муассиси нав ҳал хоҳад шуд.

Дар ҳамин ҳол Барак Обама, раисиҷумҳури Амрико, рӯзи якуми май ба Вазорати молияи кишвараш дастур додааст, ки сармояҳои «Kont Investment Bank» мақараш дар Душанбе ва ширкатҳои дигаре, ки метавонанд ба густариши силоҳи қатли ом рабт дошта бошанд, аз гардиш боздошта шавад.

Аммо Солеҳов рабт додани маблағҳои «Kont Investment Bank»-ро ба густариши силоҳи ҳастаӣ дур аз мантиқ унвон карда, таъкид намуд, ки “ин бонк дар Тоҷикистон бо мақсади густариши низоми молияи кишвар таъсис ёфтааст ва ин ягона самти фаъолияти ин бонк аст.”

Бо вуҷуд Вазорати молияи Амрико нисбати Бобак Занҷонӣ, миллиардери эронӣ таҳримҳои иқтисодӣ ҷорӣ карда, ӯро дар “пулшӯӣ”, яъне қонунӣ гардондани маблағҳое, ки аз фурӯши нафти Эрон ба даст меоянд, муттаҳам кардааст. Дар рӯйхати ширкатҳои Занҷонӣ, ки мавриди таҳрими Амрико қарор гирифтааст, аз ҷумла “Kont Investment Bank”, қароргоҳаш дар Душанбе зикр шудааст. Гуфта мешавад, ин бонк сад дарсади саҳмияҳои «Asian Express Airline»-ро дар ихтиёр дорад, ки соҳиби автовокзали нави Душанбест.

Аммо раҳбари намояндагии «Kont Investment Bank» дар Тоҷикистон бо такя ба қонунгузории кишвар мегӯяд, бонк ба ғайр аз фаъолияти молиявӣ ҳаққи кор дар бахшҳои дигарро надорад ва соҳиби “Осиё Экспресс” будани ин бонкро рад кард.

Дар ҳамин ҳол парлумони Тоҷикистон ахиран бо ворид намудани тағйиру иловаҳо ба қонуни буҷа барои соли 2013 ширкати “Контгруп Тоҷикистон”-ро, ки зери тамғаи “Осиё Экспрес” фаъолият мекунад, аз пардохти 7 миллион сомонӣ озод кард. Қаблан ҳам парлумон ба ин ширкат сабукиҳоро ироа намуда буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!