Русский  >>  فارسی  >>  Сешанбе 6 декабр 2016, 20:57

Варзишгоҳ барои 5.500 ҷойи нишаст ва бо сарфи 3.500.000 сомонӣ бунёд мегардад

11 июл 2011, 04:02

Дар ноҳияи Ховалинги вилояти Хатлон сохтмони чанд иншооти иҷтимоӣ ва фаҳангиву иқтисодӣ идома дорад.


Тибқи иттилои хабарнигори маҳаллии «Озодагон», таври мисол дар мавзеи баландкўҳи Шугнов, ки солҳои зиёде бунгоҳи тиббӣ надошту беморон  барои муолиҷа ва ташхис ба маркази ноҳия, ҳудуди беш аз 20 километр роҳҳои кўҳиро бо азоб тай карда мерафтанд, ҳамакнун бо ибтикори як сокини ҳамин мавзеъ Қаландар Одинаев, бунёди маркази саломатӣ ба роҳ монда шуд. Қодир Валиев, раиси ноҳия мегўяд, соҳибкорони ватандӯст дар қаламрави минтақа зиёданд, фақат ба онҳо имконият додан зарур аст, ки нақшаву тарҳҳояшонро амалӣ созанд.

Дар ҳамин ҳол, дар маркази  ноҳия сохтмони як варзишгоҳи нави замонавӣ барои 5.500 ҷойи нишаст бо маблағгузории буҷаи маҳаллӣ ва соҳибкорони Ховалинг ба роҳ монда шуда, хароҷоти умумии тарҳи мазкур 3,5 миллион сомониро дар бар мегирад. Бино ба гуфти ҷаноби Валиев, то имрӯз бо маблағи беш аз 1 миллион сомонӣ корҳои сохтмонӣ ба анҷом расонида шудаанд ва ин иншоот то 9-уми сентябри соли равон мавриди истифодаи сокинон қарор мегирад.

Ҳамзамон, бо ташаббуси ҳукумати маҳаллӣ ва маблағгузории аҳолӣ бунёди як мактаб  барои 200 хонанда дар рустои Дустқулӣ, 3-бунгоҳи тиббӣ дар қишлоқҳои гуногун, обёрии рустои Сангдара дар масофаи беш аз 3-километр, бунёди ҳавзҳои нигаҳдории моҳӣ, фермаи мурғпарварӣ идома дорад.{jathumbnail off}

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!