Русский  >>  فارسی  >>  Ҷумъа 9 декабр 2016, 18:30

Пешниҳоди лағви моддаи 330 аз Кодекси ҷиноии Тоҷикистон

3 май 2013, 12:07

Ҷунайд Ибодов, ҳуқуқшиноси тоҷик, имрӯз, 3-юми май зимни конфронси ҷумҳуриявӣ дар мавзӯи «Вазъи имрӯза ва дурнамои озодии ВАО дар Тоҷикистон», барои беҳбуди шароити кори рӯзноманигрон пешниҳод кард, ки моддаи 330 аз Кодекси ҷиноӣ бардошта шавад.

Ибодов афзуд, ки ҷомеаи журналистӣ аз бардоштани моддаҳои 135-у 136 дар бораи таҳқиру туҳмат аз Кодекси ҷиноӣ истиқбол кард, вале моддаи 330, ки нисбатан мушкилзо аст, боқӣ мондааст. Ба гуфтаи ӯ ин моддаҳо ба мақомоту мансабдорон имкон медиҳад, рӯзноманигоронро ба ҷавобгарии ҷиноятӣ кашанд: “Тибқи ин модда таҳқири амалдорон дар ВАО ҷиноят аст.”

Дар ҳоле, ки ба гуфтаи Ибодов шаҳрвандони қаторӣ барои таҳқир дар ВАО наметавонанд шикояти ҷиноӣ баранд, мансабдорон ҳоло ҳам аз ин имкон бархӯрдоранд ва ин як намуд, тафриқаандозӣ ва сензура аст.

Конфронси ҷумҳуриявӣ дар мавзӯи «Вазъи имрӯза ва дурнамои озодии ВАО дар Тоҷикистон» дар Кохи Ваҳдат идома дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!