Русский  >>  فارسی  >>  Душанбе 5 декабр 2016, 09:33

Профессори тоҷик: “Ба пои Соловев сар хоҳам гузошт...”

6 май 2013, 09:23

Навори сӯҳбати журналисти рус Владимир Соловев дар бораи таърихи тоҷикон, ки хеле пештар сабт шудаву баъд аз иддаоҳои Владимир Жириновский дар сайти “Озодагон” дубора пахш шуд, миёни хонандагон вокунишҳои зиёдеро ба бор овард. Ҳоло яке аз ин вокунишҳоро, ки аз номи профессори тоҷик Наврӯзи Гулзода ба мо расидааст, нашр мекунем.


“Ман, профессор, забоншинос Наврӯз Гулзода алҳол дар Донишгоҳи лингвистии Маскав ба донишҷӯёни русзабон аз тоҷикӣ дарс мегӯям. Дар ҳоли ҳозир душвортарин масъала барои ман тарғиби забони тоҷикист, зеро қадру манзалати ин забон то андозае костааст, ки таваҷҷуҳи шогирдонро ба омӯхтани ин забон ҷалб кардан хеле сангин мебошад.

Албатта, қадр доштани фарҳангу забон ба вазъи иқтисодӣ ва дараҷаи тараққиёти соҳибони он вобаста аст. Дар ҳоли ҳозир кӯшиши муаррифии забони тоҷикӣ барои миллатҳои дигар "ба дандон рахна дар фӯлод кардан"-ро мемонад. Вале баъд аз тамошо ва шунидани навори мазкур (навори сӯҳбати Соловев) нерӯи нав гирифтам ва онро бо оби дида шунидам. Акнун худро тасаллӣ дода метавонам, то ҷон дар рамақ аст, ин пешаро тарк нахоҳам кард. Яъне, "ба пилки дида оташпора хоҳам чид", вале ба ҳама бо овози баланд хоҳам гуфт, маданияти тоҷикон, забони тоҷикӣ ва дар тамоми дунё адабиёти тоҷик беқиёсанд! Худо рӯзе биояду ин забон мақоми қаблии худро соҳиб шавад.

Ҷаноби Соловев ҳақиқатро чун рӯз равшан гуфтааст. Ва боз аз он хушнудам, ки пофишории узбакҳову озариён, ки яке Синоро узбак медонаду дигаре Хайёмро озарӣ, бо қатъият рад намудааст. Мардуми арман дар мактаби миёна Низомиро шоири форс медонанд ва ҳақ ба ҷониби онҳост. Дақиқтараш Низомӣ на озарӣ, балки курд аст, вале дар хусуси Хайём ҷои баҳс нест, ки форс аст ва онҳо, яъне озариён, занеро устоди Хайём медонанд, ки гӯиё озарӣ будааст. Вале агар осори ӯро пайдо намоем, ҳеч гоҳ ба озарӣ нанавиштааст. Магар ин мардум шарм намекунанд, ки шоирони мо ҳарфе ба забони туркӣ нанавиштаанд?

Владимир Соловев, рӯзноманигорест боадолат, падари 8 фарзанд!!! Ман ба пои ин гуна ашхос сар хоҳам гузошт, ки ҳеч гоҳ ҳақиқатро парда намепӯшонад.

Ба наздикӣ дар барномаи "Поединок" ба Жириновский дар бораи мардуми тоҷик ва инсондӯстии онҳо, махсусан дар солҳои Ҷанги Бузурги Ватанӣ маълумоти муфассалеро пешкаш намуд. Он вақт фаҳмидам, ки дар бораи фарҳангу тамаддуни тоҷикон маълумоти зиёде дорад. Аҳсан ба ин рӯзноманигори ҳақиқӣ, ки барои миллати тоҷик аз ҳазор тоҷик хизмати сазовортаре кардааст.”


Дар акс: Наврӯз Гулзода, профессори тоҷик


Шарҳи худро бинависед:

Ном:*
E-Mail:
Матни шарҳ:
Посух додан
  • Професор

  • 6 май 2013 14:51
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сипосгузори ба ачдодони худ бикун, ки чунин таърихро мондаанд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Устод Гулзода зинда бошед!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
офарин. зинда бошед устод. мо бо шумоем!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!