Русский  >>  فارسی  >>  Панҷшанбе 8 декабр 2016, 21:02

Аз хазинаи Убайдуллоев барои ветеранҳо 570 ҳазор ҷудо мегардад

6 май 2013, 09:48

Маҳмадсаид Убайдуллоев, раиси шаҳри Душанбе дастур додааст, ки аз хазинаи захиравии раиси шаҳр ба муносибати таҷлили 68-умин солгарди Рӯзи Ғалаба барои собиқадорони ҷанг 570 ҳазору 800 сомонӣ ҷудо гардад.

Тибқи дастури Убайдуллоев ба иштирокчиёну маъюбони Ҷанги Бузурги Ватании солҳои 1941-1945, ба ҳар кадоме ба андозаи 700 (ҳафтсад) сомонӣ ва ба муҳосирабудагони шаҳри Ленинград, соҳибони ордену медалҳои Иттиҳоди Ҷумҳуриҳои Шӯравии Сотсиалистӣ, маъюбони ҷанг дар Афғонистон, маъюбони садамаи нерӯгоҳи барқӣ-атомии Чернобил, оилаи шахсоне, ки ҳангоми ҳимояи сохти конститутсионӣ ҳалок гардидаанд ва ба ҳамсарони ҷанговарони дар Ҷанги Бузурги Ватанӣ ҳалокгардида, ки дар шаҳри Душанбе истиқомат мекунанд, ба андозаи 500 сомонӣ кӯмаки якдафъаина ироа гардад.

Ин дар ҳолест, ки Шӯрои ветеранҳои шаҳри Душанбе мегӯяд, вақтҳои охир кӯмак ба собиқадорони Ҷанги Бузурги Ватанӣ (1941-1945) коҳиш ёфтааст. Алиризо Раҳмонқулов, як масъули Шӯрои мазкур дар суҳбат ба «Озодагон» гуфт, аз Иди Ғалабаи соли гузашта то ҳоло дар Душанбе 23 собиқадори ҶБВ ҷаҳонро падруд гуфтаанд ва айни ҳол дар пойтахти кишвар ҳамагӣ 141 собиқадори ҶБВ мондааст.

Дар ҳамин ҳол 9-уми май, дар Тоҷикистон, чун дар тамоми кишварҳои пасошӯравӣ, Рӯзи ғалаба аз болои Германияи фашистӣ ҷашн гирифта мешавад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!