Русский  >>  فارسی  >>  Душанбе 5 декабр 2016, 03:16

Нархи Фарҳод Восиев, футболбози тоҷик, дар як сол 100 000 евро поин омад

6 май 2013, 10:05

Як торнамои олмонӣ Фарҳод Восиев, ҳимоятгари дастаи “Волгар”-и шаҳри Аштархон (Астрахан)-ро гаронтарин футболбози тими мунтахаби Тоҷикистон эълон намудааст.

Торнамои олмонии маъруф дар олами футбол – transfermarkt.de арзиши Фарҳод Восиев, ҳимоятгари дастаи мунтахаби Тоҷикистон оид ба футболро, ки ҳоло бо тими футболи “Волгар”-и Аштархон шартнома дорад, 250 ҳазор евро арзёбӣ кардааст. Дар ҳоле ки дар арзёбиҳои соли гузаштаи ин торнамо Фарҳод Восиев 350 ҳазор евро нархгузорӣ шуда буд.

Ин торнамои олмонӣ дар феҳраст ё рӯйхати худ номи 27 футболбози тоҷикро зикр мекунад, аммо аз миёни онҳо танҳо се нафарашонро баҳогузорӣ намудааст. Яъне, дар қатори Восиев, инчунин аз Хуршед Маҳмудов, бозигари тими "Регар-ТадАЗ" ва Манучеҳр Ҷалилов ёдоварӣ шуда, аввалиро 75 ҳазор ва дувумиро 100 ҳазор евро нархгузорӣ кардаанд.

Бояд гуфт, Манучеҳр Ҷалилов, ки ҳоло дар «Нефтехимик», яке аз дастаҳои футболи Русия, бозӣ мекунад, шаҳрванди Тоҷикистон мебошад. Вале дар бозиҳои дастаи мунтахаби кишвар иштирок надорад.

Бар асоси наргузории transfermarkt.de қимати футболбозони тоҷик дар маҷмуъ 425 евроро ташкил медиҳад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!