Русский  >>  فارسی  >>  Ҷумъа 9 декабр 2016, 12:44

Дастгоҳи нашри виза дар фурудгоҳи Душанбе дубора фаъол шуд

6 май 2013, 11:59

Вазорати умури хориҷии Тоҷикистон мегӯяд, дастгоҳи чопи раводид ё визаи Бюрои консулгарии Тоҷикистон дар Фурудгоҳи байналмилалии Душанбе фаъол гардидааст.

Дар ин бора ба хабаргузории “Озодагон” Абдулфайз Атоев, сардори Раёсати иттилоот, матбуот, таҳлил ва тарҳрезии сиёсати хориҷии Вазорати умури хориҷӣ, иттилоъ дода, таъкид намуд, ки айни ҳол шаҳрвандони хориҷӣ бе ягон мушкилӣ равуо доранд.

20-уми апрел тартиби содашудаи додани раводид ба шаҳрвандони хориҷӣ қатъ шуда буд. Мақомот гуфтанд, ягона дастгоҳи нашри виза дар фурудгоҳи Душанбе аз кор бозмондааст. Чунин раводид маъмулан дарҳол пас аз ташриф дар фурудгоҳ дода мешавад. Тартиби содашудаи додани раводид барои шаҳрвандони 80 кишвари дунё ва афроди бидуни шаҳрвандӣ, собиқ шаҳрвандони Тоҷикистон мавриди амал қарор дорад.

Дар ҳамин ҳол Ҳизби наҳзати исломии Тоҷикистон мегӯяд, қатъи ироаи раводид дар фурудгоҳ ба хотири ҷилавгирӣ аз омадани меҳмонони хориҷӣ ба ҷашни 40-солагии ин ҳизб роҳандозӣ шудааст. Ба гуфтаи масъулини ҳизб мушкили раводид боис шуд, ки 27-уми апрел дар ҷашни 40-умин солгарди таъсиси ҳизб наздики 200 меҳмони хориҷӣ ширкат карда натавонистанд.



Шарҳи худро бинависед:

Ном:*
E-Mail:
Матни шарҳ:
Посух додан
  • Behan

  • 6 май 2013 12:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
In behtarin amalest, ham baroi munosibathoi kishvarhoi khoriji ham baroi iqtisodiyoti kishvar az har taraf kulay ast
Посух додан
  • щщщщщщщщщ

  • 7 май 2013 08:43
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
палитикарам шарманда кадрден кати хамин бозиёи кудаконаатон..инро як синфи як медонад барой чи визаро махкам карден.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!