Русский  >>  فارسی  >>  Панҷшанбе 8 декабр 2016, 23:08

Сафорат мегӯяд, Dorob Yan's бо шикояти онҳо боздошт нашудааст

6 май 2013, 15:31

Сафорати Тоҷикистон дар Русия иддао дар бораи ин ки репсаро Дороб Янс дар пайи шикояти яке аз кормандони сафорат дар Маскав боздошт шудааст, рад кард.

Сафорат рӯзи шашуми апрел бо пахши иттилоияе гуфт, “ин даъво аслан воқеият надорад. Дороб зодаи Бадахшони Тоҷикистон бошад ҳам, шаҳрванди Қирғизистон будааст. Сафорат аз қазия аз тариқи расонаҳои хабари огоҳ шуд.”

Дар идомаи иттилоияи Сафорати Тоҷикистон дар Русия гуфта мешавад, ин даъвоҳо як роҳи ба даст овардани шӯҳрат дар бозори овозхонист. “Ба андешаи мо, Дороб, ки як ҳунарманди ҷавон аст, мехоҳад аз шеваҳои маъмули бозори ҳунари Русия, бахсус Маскав, ки басо сангину душворгузар аст, истифода кунад ва ин як гашти "пиар" барои касби маъруфияти бештар дар бозор мебошад. Аммо ин ки гӯиё ӯро бар асоси шикояти кадом як корманди Сафорати Тоҷикистон дар Русия боздошт кардаанд, аслан воқеият надорад”,-таъкид шудааст дар иттилоия.

Муҳаммад Эгамзод, сухангӯи сафорат ҳам мегӯяд, баръакс, агар Дороб Янс ба унвони як ҳунарманди тоҷик ва зодаи Тоҷикистон ба сафорат муроҷиат мекард, онҳо оомда буданд, аз ҳаққи ӯ дифоъ намоянд.

Дар саҳифаи Дороб Янс, овозхони тоҷик, ки дар Маскав зиставу бештар дар жанри реп тарона иҷро мекард, навишта шудааст, ки ӯ барои хондани як таронаи сиёсӣ бо номи "Қарор мак" (дар робита ба ҳаводиси тобистони соли гузашта дар Хоруғ) бо шикояти як корманди сафорати Тоҷикистон боздошт шудааст. Гуфта мешавад, ӯ аз шогирдони Мастер Исмайл мебошад, ки яке аз маъруфтарин репсароёни тоҷик асту солҳои охир дар Маскав ба сар мебарад.


Дар акс: Дороб Янс (Dorob Yan's), репсарои тоҷик


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!