Русский  >>  فارسی  >>  Якшанбе 4 декабр 2016, 00:43

Вазир: Афроди алоҳида дар Рашт оромиро халалдор мекунанд

6 май 2013, 16:52

Рамазон Раҳимов, вазири умури дохилии Тоҷикистон, охири ҳафтаи гузашта зимни боздид аз минтақаи Рашт изҳор доштааст, ки “ҳарчанд дар минтақа шахсони зиёди марбут ба гурӯҳҳои террерористӣ-экстремистӣ дастгир ва безарар гардонида шуда бошанд ҳам, баъзе шахсони алоҳидае ҳастанд, ки оромию осудагӣ ва ҳаёти осоиштаи мардумро халалдор менамоянд.”

Тавре аз Вазорати умури дохилии Тоҷикистон хабар доданд, Раҳимов дар мулоқот бо кормандони умури дохилии Рашт таъкид кардааст, “вазифаи аввалиндараҷаи кормандони мақомоти корҳои дохилӣ ин пешгирии чунин амалҳо, муайян ва дастгир намудани ин шахсон мебошад.” Вазир гуфтааст,“дар минтақа то ҳанӯз дар мактабҳои ғайриқонунии динии давлатҳои хориҷӣ таҳсил намудани ҷавонон ҷой дорад. Кормандони мақомоти корҳои дохилӣ, мақомоти иҷроияи маҳаллии ҳокимияти давлатӣ, ҷамоатҳо ва муассисаҳои таълимиро зарур аст, ки барои ба Ватан баргардонидани онҳо чораҳои зарурӣ андешанд.”

Вазир аз ҷумла маъракаҳои муҳими сиёсӣ, интихоботи президентии моҳи ноябрро зикр карда, таъкид намудааст, ки дар сатҳи баланд гузаштани он аз зиракию ҳушёрии кормандони пулис вобаста аст. Раҳимов аз кормандони милиса талаб намудааст, бо аҳолӣ хушмуомила буда, мунтазам бо онҳо дар робита бошанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!