Русский  >>  فارسی  >>  Ҷумъа 9 декабр 2016, 16:31

Тасмими ниҳоии Раҷаби Мирзо: Ба ҳеч куҷо шикоят намебарам!

7 май 2013, 12:00

Раҷаби Мирзо, раиси Маркази тадқиқоти сотсиологии “Бозтоб” ва мудаии нокоми курсии парлумонӣ, мегӯяд, дар робита ба баргузорӣ ва натиҷагирии интихоботи миёндаврӣ дар ноҳияи Восеъ тасмими ниҳоияш ин аст, ки ба ҳеч ниҳоде шикоят намебарад.

Раҷаби Мирзо, ки рӯзи ҳафтуми май дар ҳузури хабарнигорон дар толори меҳмонхонаи “Asia Grand Hotel” дар Душанбе суҳбат мекард, гуфт, бовар дорад, ягон ниҳоде арзу шикоятҳои ӯро боадолатона баррасӣ нахоҳад кард.

Ӯ афзуд, барои он вориди сабқат барои курсӣ дар парлумон шуд, ки мехост баъзе стеоротип ё қолабҳоро шиканад, чун бисёриҳо ӯро ҳамчун бозичаи сиёсии ҳукуматгаро арзёбӣ карда буданд. Раҷаби Мирзо илова намуд, танҳо як муроҷиатнома ба унвонии Зайниддин Сафаров, ғолиби интихоботи миёндаврӣ дар ноҳияи Восеъ, дорад, ки онро дар рӯзи ба курсии вакилӣ нишастани Сафаров нашр хоҳад кард.

Дар мавриди нақшаҳои минбаъда Раҷаби Мирзо афзуд, ният дорад, бо низоми шахшудаи ҳукуматҳои маҳаллӣ мубориза барад, чун зимни маъракаи тарғиботӣ шоҳиди он шудааст, ки мардуми навоҳӣ аз фаъолияти ҳукуматҳо дар маҳалҳо норозиянд.

Бояд гуфт, рӯзи 5-уми май дар ҳавзаи 39-и ноҳияи Восеъ интихоботи миёндаврӣ баргузор гардид, ки дар он се нафар барои дарёфти як курсӣ дар парлумон рақобат карданд. Дар натиҷа, ба гуфтаи масъулони Кумисюни маркзаии интихобот ва раъйпурсии Тоҷикистон, Зайниддин Сафаров -- намояндаи Ҳизби аграрӣ пирӯз омад.

Барои курсии холимондаи Рустам Латипов дар Маҷлиси Намояндагон Ибодулло Неъматов аз Ҳизби ҳокими халқӣ-демократӣ ва Раҷаби Мирзо аз роҳи худпешбарӣ низ рақобат доштанд, ки мағлуб гардиданд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба хеч кучо шикоят набар. Даъво хам накун. Эътироз низ.... Вокеъан, чаро ба интихобот рафти? Ман хайрон? Ё зери коса "НИМКОСА" хаст?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ай журналист бачаи саргардони точик
мачлис мерасад дар парлумон курсии ту холист

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!