Русский  >>  فارسی  >>  Якшанбе 4 декабр 2016, 08:49

Нахустин паради ҳарбӣ дар Қазоқистон

7 май 2013, 16:14

Дар Қазоқистон барои бори нахуст дар таърихи ин кишвару қувваҳои мусаллаҳи он бахшида ба Иди ғалаба, паради ҳарбӣ баргузор гардид.

Ба иттилои расонаҳои қазоқӣ, имрӯз, 7-уми май, дар пойгоҳи низомии “Отар”-и Қазоқистон нахустин бор дар таърихи ин кишвар ва қувваҳои мусаллаҳи он гузашти ҳарбӣ сурат гирифт.

Ин гузашти ҳарбӣ бо ҳузури Нурсултан Назарбоев, раисиҷумҳури Қазоқистон ва сарфармондеҳи қувваҳои мусаллаҳи ин кишвар ва вазири дифои Қазоқистон баргузор шуда, дар он беш аз 7 ҳазор афсару аскари нерӯҳои мусаллаҳи ин кишвар ширкат кардаанд. Инчунин зиёда аз 400 адад техникаҳои махсусси ҳарбӣ, тиббӣ, техникаҳои ҷустуҷӯӣ ва наҷотбахш, 80 адад ҳавопаймо ва чархболҳои ЕС-145-и истеҳсоли Қазоқистон ва намунаҳои бархе аз ҳавопаймоҳои бидуни сарнишин ба намоиш гузошта шуданд. Теъдоди тамошобинон дар ин парад беш аз 5 ҳазор арзёбӣ мешавад.

Дар охир Нурсултан Назарбоев, раисиҷумҳури Қазоқистон аз баргузории ин гузашти ҳарбӣ иброзӣ қаноатмандӣ намуда, гуфт, ҳамасола аз сӯйи қувваҳои мусаллаҳи кишвараш беш аз 250 чорабинӣ оид ба омодагии ҳарбӣ гузаронида мешавад.

Ин дар ҳолест, ки ба иттилои Вазорати мудофиаи Тоҷикистон, имсол рӯзи 9-уми май, яъне Рӯзи ғалаба бе паради ҳарбӣ таҷлил гардида, танҳо маросими гулгузорӣ дар боғи “Ғалаба”-и пойтахт бо ҳузури ҳайатҳои роҳбариву фармондиҳии кишвар, намояндагони парлумон ва собиқадорони Ҷанги Бузурги Ватанӣ баргузор мегардад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!