Русский  >>  فارسی  >>  Чоршанбе 7 декабр 2016, 13:39

Аз дохили зиндон қоҷоқи мухаддирот ба Душанбе идора мешудааст

8 май 2013, 11:17

Кумитаи амнияти миллии Тоҷикистон аз интиқоли мухаддироти ҳаҷмаш махсусан калон, ки таҳти идораи маҳбусони зиндони рақами 3-и Душанбе сурат гирифтааст, ҷилавгирӣ намудаанд.

Ба иттилои ин ниҳод дар натиҷаи амалияти махсус ошкор шудааст, ки Садриддин Бадриддинов ва Муродҷон Шарипов, маҳбусони муассисаи ислоҳии рақами 3-и Душанбе, аз дохили маҳбасхона қочоқи маводи мухаддири махсусан калонро идораю назорат мекардаанд.

Бино ба маълумоти Кумитаи давлатии амнияти миллии кишвар ин сир баъди дастгир намудани Шараф Алиев, ки бо маслиҳати пешакии ин ду маҳбус мақсади интиқоли 52 килограм маводи мухаддирро дошт, ошкор гардид. Алиев Шараф бояд маводи мухаддирро аз ҳудуди ҷамоати Озодии ноҳияи Қумсангир гирифта, тавассути мошини шахсиаш ба шаҳри Душанбе интиқол медод. Мақомот Алиевро дар пойтахт боздошт кардаанд ва аз дохили нақлиёташ 52 килограм мухаддир, аз ҷумла 35 килограму 430 грамм афюн ва 16 килограмм ҳашишро мусодира кардаанд.

Зимни ин амалиёт ду аъзои дигари ин гурӯҳ- Ховаршо Раҳматуллоев ва Қосимҷон Бадриддинов низ боздошт шуданд. Нисбати дастгиршудагон аз руи моддаи 200 қисми 4-и кодекси ҷиноятӣ парвандаи ҷиноӣ шурӯъ шуда, тафтишот идома дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!