Русский  >>  فارسی  >>  Якшанбе 4 декабр 2016, 08:52

Мактаббачаҳои қазоқ аз ҳама бештар хоб мераванд

10 май 2013, 12:15

Мактаббачаҳои қазоқ дар қиёс ба дигар хонандаҳои мактабҳо дар ҷаҳон хоби бештар мераванд. Ба ин хулоса пажуҳишгарони колеҷи Бостон расидаанд.

Муҳаққиқони ин колеҷ баъди назарпурсие миёни беш аз 900 ҳазор мактаббача аз 50 кишвари ҷаҳон, ба ин натиҷа расидаанд, ки камхобӣ ба сатҳи дониш ва фаъолнокӣ таъсири манфӣ мерасонад.

Пажуҳишгарон гуфтаанд, кӯдакон дар кишварҳои пешрафта бештар камхобӣ мекашанд ва сабаби онро ба дастрас будани телефонҳои мобилӣ ва компютер рабт додаанд.

Чад Минич, як корманди маркази ҷаҳонии омӯзиш гуфтааст, ки «мо таъсири хобро нодида мегирем. Маълумотҳои мо нишон дод, ки кӯдаконе, ки вақти заруриеро барои хоб сарф мекунанд, дар фанҳои риёзӣ ва хониш муваффақтаранд".

Аз ҳама бештар мактаббачаҳо дар ИМА камхобӣ мекашидаанд. Ба гуфтаи пажуҳишгарон 73 дар сади кӯдакони 9-10-сола ва 80 дар сади 13-14-солаҳо ба мушкили камхобӣ мувоҷеҳанд. Мактаббачаҳои Зеландияи Нав, Арабистони Саудӣ, Австралия, Англия, Ирландия, Финляндия ва Фаронса низ чунин мушкил доштаанд.

Аммо дар садри рӯйхати мактаббачаҳое, ки хоби зиёд мекунанд, Қазоқистон нишастааст. Танҳо 12 дар сади пурсидашудаҳо аз ин кишвар гуфтаанд, ки камхобӣ мекашанд. Озорбойҷон, Словакия, Чехия ва Ҷопон низ ба қатори кишварҳое шомил шудаанд, ки хонандаҳои мактаб вақти зарурӣ барои хоб доранд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!