Русский  >>  فارسی  >>  Якшанбе 11 декабр 2016, 13:01

“Таҳдид ба ҷону моли Зайд Саидов ӯро аз сиёсат бознамедорад”

10 май 2013, 13:32

Ҳизби навтаъсиси “Тоҷикистони нав”, имрӯз, 10-уми май як ҷаласаи изтирориро баргузор намуда, аз таъқибу таҳдид ба ҷону моликияти роҳбарашон Зайд Саидов хабар дод.

Ин нишаст, бе ҳузури Зайд Саидов, раҳбари ҳизби навтаъсиси “Тоҷикистони нав” ва яке соҳибкорони муваффақи тоҷик сурат гирифт. Маҳмудҷон Қосимов, як аз ташаббускорони “Тоҷикистони нав” дар мавриди сабаби ҳузур надоштани Саидов гуфт, ки чанд лаҳза қабл аз оғози ҷаласаи изтирорӣ Зайд Саидовро ба таври оҷилӣ мақомоти умури дохилӣ даъват карданд.

Қосимов афзуд, ки баъди эълони таъсиси ҳизби нав ба унвонии Зайд Саидов пайёмакҳое расидаанд, ки дар онҳо аз ҷумла таъкид шудааст, “агар ӯ аз таъсиси ҳизб даст накашад, ба ҳалокат хоҳад расид.” Дар матни паёмак инчунин баъзе таҳқирҳое омадаанд, ки Қосимов аз ифшои онҳо худдорӣ кард.

Қосимов таъкид намуд, ки ахиран мақомоти тоҷик тафтишоти корхонаю ширкатҳои Зайд Саидовро пурзӯр намудаанд ва ин ҳам ба таъсиси ҳизби сиёсӣ аз ҷониби ӯ марбут дониста шудааст.

Қосимов тавзеҳ дод, ки ҳадафи “Тоҷикистони нав” на иштирок дар интихоботи президентӣ, балки ширкат дар интихоботи парлумонӣ мебошад: “Мо дарк мекунем, ки барои таъсиси ҳизб каме фурсати номуносиб интихоб шудааст, чун дар арафаи интихобот вазъ ҳассос аст. Аммо мо аз ин иқдоми худ даст нахоҳем кашид. Гарчанде то ин андоза пеш омадани мушкилотро интизор набудем.”

Ба гуфтаи Қосимов мақомоти амният ва умури дохилӣ тавассути як мактуб аз муассисони “Тоҷикистони нав” кафолат хостаанд, ки фаъолияташонро тибқи қонунгузории кишвар ба роҳ хоҳанд монд: “Мо тибқи қонунгзорӣ фаъолият мекунем ва он ҳама сару садоро, ки гӯиё “Тоҷикистони нав” бозичаи сиёсии гуруҳе бошад, қотеъона маҳкум мекунем.”

Ӯ инчунин илова намуд, ки бо эҳтимоли зиёд Зайд Саидов аз роҳбарии Шӯрои ҳамоҳангсозии асоссиатсияҳои соҳибкорӣ ва иттиҳодияҳои ҷамъиятии Тоҷикистон, ки нав ба ин симмат таъин шуд, базудӣ сабукдӯш хоҳад шуд: “То имрӯз, тавассути телефон наздик ба 30 раҳбари ташкилотҳои узви Шӯро ба мо гуфтанд, ки зери фишори мақомот изҳоротеро ба имзо расондаанд, ки дар он истеъфои Зайд Саидов талаб шудааст.”

Зайд Саидов яке аз соҳибкорони муваффақи Тоҷикистон ахиран аз таъсиси ҳизби “Тоҷикистони нав” хабар дода, афзуд, ки самти асосии фаъолияташ беҳбуди вазъи иҷтимою иқтисодии кишвар хоҳад буд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мухтарам аъзоён ва садорати хизби Точикистони нав, шумо фаромуш накунед, ки майдони сиёсат чои оруму осудагист, балки майдонест фахш ва фасод ва дар ин майдон нафароне голиб меоянд, ки мачоли ин хама беорию шармандаги ва мушкилихоро бар душ карда метавонанд. Агар шумо аз ин таъкиботи хукумат тарсидед, пас холо хам вакт аст, ки даст аз ин амр бардоред. Агар на, пас мардонавор ба майдони сиёсат омада то лахазоти охир дар ин майдон чавлон бизанед ва ба мисли тарсухо икдомхои худро, ки гуё "мо дар интихоботи президенти иштирок намекунем" ва гайраву хоказо маънидод накунед. Мо хамаги медонем, ки вориди сиёсат шудан дар давлатхое, мисли Осиёи Маркази басо хатарнок ва мушкил аст, аммо ба хар хол ба ин икдом, ки даст задед, пас то охири ин кор устувор монед ва дар таърих чун хизби "тарсухо", "шармандахо" унвон нагиред.
Вале рости бо ин хама гуфтанихо дар умки дилам заррачае хаст, ки хамеша мегуяд, ки ин хизб хамон хизби "дастакии хукумат" аст ва ин хама хангомасозихо аз сахначаи тархрезишудае беш нест.
Посух додан
  • Изхор

  • 10 май 2013 19:03
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Окибат З. Саидов Президент мешавад, натарсида захмат кашад агар!!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!