Русский  >>  فارسی  >>  Сешанбе 6 декабр 2016, 13:08

Мураббии хориҷӣ бозии “Хайр”-ро дида, “дум хода кардааст”

10 май 2013, 14:45

Худодод Азизӣ, яке аз ситораҳои собиқи футболи Эрон, ки чанд моҳ қабл бо даъвати дастаи “Хайр”-и Ваҳдат ба Тоҷикистон омад ва қарор буд, ки сармураббии ин тим шавад ба Эрон баргашта дигар наомадааст.

Баҳриддин Мирзоев, сарвари дастаи “Хайр”, дар суҳбат ба “Озодагон” гуфт, Худодод Азизӣ барои шиносоӣ бо дастаи “Хайр” як муддат дар Тоҷикистон қарор дошт ва пас аз тамошои як бозии тими “Хайр” аз Тоҷикистон рафтааст ва далели ин қарорашро шарҳ надодааст: “Худодод Азизиро дар варзишгоҳи марказии шаҳри Ваҳдат як маротиба дидам. Баъдан фаҳмидем, ки ӯ хапу хомӯш рафтааст.”

Юсуф Абдуллоев, ки чанд муддат сармураббии дастаи лигаи олӣ-“Хайр”-и Ваҳдат буд, ахиран бо далели натоиҷи ғайриқаноатбахши даста дар оғози мусобиқаи имсолаи қаҳрамонии Тоҷикистон миёни дастаҳои лигаи Олӣ аз вазифааш барканор карда шуд.

Ин даста дар се бозии аввали мусобиқаи қаҳрамонии имсола дар як бозӣ пирӯз шуда, як бозиро мусовӣ ва як бозии дигарро бохтааст. Дастаи “Хайр” феълан бо 4 имтиёз дар зинаи 7-уми ҷадвали мусобиқа қарор дорад.

“Хайр”–“Панҷшер” 2:0
“Вахш”–“Хайр” 1:1
“Хайр” – “Истиқлол” 1:3

Тими Хайр”-и Ваҳдат, рӯзи 12-уми майи соли равон таҳти раҳбарии Исроил Идиев, капитан ва иҷрокунандаи вазифаи сармураббии даста дар майдони худ бо дастаи “Энергетик”-и Душанбе ба сабқат мебарояд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!