Русский  >>  فارسی  >>  Панҷшанбе 8 декабр 2016, 03:13

Мақомот таҳдидгарони З.Саидовро миёни шариконаш меҷӯянд

10 май 2013, 17:30

Ҳумайрои БАХТИЁР

Мақомоти амният ва умури дохилии Тоҷикистон ба кофтукови таъқибгарони Зайд Саидов, раҳбари гуруҳи ташаббускори ҳизби "Тоҷикистони нав" оғоз кардаанд.

Зайд Саидов, ки ҳамчунин аз муваффақтарин соҳибкорони тоҷик аст, дар суҳбат бо хабаргузории “Озодагон” гуфт, мақомот ӯро имрӯз, 10-уми май, барои гирифтани баёнот даъват карданд: “Мақомот аз ҷумла пурсиданд, ки оё аз шахс ё гуруҳе гумонбар ҳастам ё на. Ҷавоб додам, ки то имрӯз тамоми фаъолияти худро дар доираи қонун ба роҳ мондаам ва ҳамаи уҳдадориҳое, ки дар доираи шартномаҳо назди шарикони ҳамкорам дорам, иҷро кардаам. Бино ба ин фикр мекунам, таъқибгарони аз миёни ҳамкорону шарикони тиҷориям нестанд.”

Саидов афзуд, ки баъди қарораш дар мавриди таъсиси “Тоҷикистони нав” атрофиёнаш ба ӯ ҳушдор дода буданд, ки гуруҳҳои алоҳида метавонанд аз ин тасмимаш сӯиистифода бикунанд ва тавассути шиорпартоиҳо вазъи кишварро ноором кунанд: “Вале ман мутмаин месозам, ки ҳеч вақт ҷонибдори иғвою нооромӣ набудам. Табиати ман ором буда, беҳбудии ҷомеа ва кишварро мехоҳад. Ҳадафи ман танҳо рушди босуботи кишвар аст.”

Саидов ҳамчунин аз ҳамкоронаш, ки алайҳи ӯ ҳамчун раиси Шӯрои ҳамоҳангсозии асоссиатсияҳои соҳибкорон изҳорот имзо кардаанд, интиқод намуд: “Ба ман занг зада гуфтанд, ки таҳти фишор як изҳоротеро имзо кардаанд, ки дар он истеъфои ман аз симмати раиси Шӯрои ҳамоҳангсозӣ талаб карда мешавад. Аз як тараф онҳоро дарк мекунам, аммо муътақидам, ки ҳар як шахс ва соҳибкор бояд фикри мустақили худро дошта бошад. Ҳар яки онҳое, ки алайҳи ман изҳорот имзо кардаанд, пештар худашон пофишорӣ карданд, то ман роҳбарии Шӯроро ба уҳда гирам.”

Зайд Саидов, соҳибкори шинохта ва раиси Шӯрои ҳамоҳангсозии ассотсиaтсияҳои соҳибкорон ва иттиҳодияҳои ҷамъиятии Тоҷикистон, рӯзи 6-уми апрел аз таъсиси ҳизби наве бо номи "Тоҷикистон нав" хабар дода, афзуд, ки талошҳояшон барои ҳалли мушкилоти иқтисодию иҷтимоии кишвар равона хоҳанд шуд.

Аммо имрӯз, 10-уми май ташаббускорони ин ҳизби то ҳол сабтиномнашуда, як ҷаласаи изтирориро баргузор намуда, аз таъқибу таҳдид ба ҷону моликияти роҳбарашон Зайд Саидов хабар доданд. Маҳмудҷон Қосимов, як аз ташаббускорони “Тоҷикистони нав” гуфт, ки баъди эълони таъсиси ҳизби нав ба унвонии Зайд Саидов пайёмакҳое расидаанд, ки дар онҳо аз ҷумла таъкид шудааст, “агар ӯ аз таъсиси ҳизб даст накашад, ба ҳалокат хоҳад расид.” Дар матни паёмак инчунин баъзе таҳқирҳое омадаанд, ки Қосимов аз ифшои онҳо худдорӣ кард.

Қосимов таъкид намуд, ки ахиран мақомоти тоҷик тафтишоти корхонаю ширкатҳои Зайд Саидовро пурзӯр намудаанд ва ин ҳам ба таъсиси ҳизби сиёсӣ аз ҷониби ӯ марбут дониста шудааст. Ӯ тавзеҳ дод, ки ҳадафи “Тоҷикистони нав” на иштирок дар интихоботи президентӣ, балки ширкат дар интихоботи парлумонӣ мебошад: “Мо дарк мекунем, ки барои таъсиси ҳизб каме фурсати номуносиб интихоб шудааст, чун дар арафаи интихобот вазъ ҳассос аст. Аммо мо аз ин иқдоми худ даст нахоҳем кашид. Гарчанде то ин андоза пеш омадани мушкилотро интизор набудем.”


Шарҳи худро бинависед:

Ном:*
E-Mail:
Матни шарҳ:
Посух додан
  • Миша

  • 10 май 2013 21:03
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
З. Сайидов ба пеш шайтон ноумед банда ба умед
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамаш темай Ну-Погодиай
Посух додан
  • Умед

  • 11 май 2013 09:40
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин бозихои худи хукумат ........... ин намешавад ........ вай дигар кас.......
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Фикр мекунам ин ход пиарай хизби нав аст ва бо ин рох мехоханд обуруи хизби навташкилро боло баранд.Аз дигар тараф чои шубха нест чунки дар точикистон хар кор шуданаш мумкин хусусан пулдорхо
Посух додан
  • Рашид

  • 12 май 2013 13:14
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сохибкорони шинохтаи кишвар Зайд Саидов мехохад ба сиёсат аз дарвозаи дигар ворид шавад. Тариќи худхохиву худнамоишдихи, ташкили нишастхои матбуоти эълон карда истодааст, ки хизби худашро таъсис доданист. Дар он худаш хам раис бошаду, хам шўрои сиёси, хоса ташкилоти сиёсие, ки пурра дар дасти худаш бошад. Бо ваъдапардозихову суханони фиребанда як гурўх точирону иќтисодчиёнро дар атрофаш гирд оварда истодааст. Ваќте ки вазир буду дар деги сиёсат мечўшид, боре хам аз таъсиси хизб наандешида буд. Хизбхои монанди “Точикистони нав”-ро “кисагӣ” меноманд, зеро он аз чониби фарди муайян барои хифзи манфиатхои шахсӣ таъсис дода шуда, ба орўзю ормони мардум, идеалхои сиёсии шахрвандони чумхурӣ ягон робита надоранд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
"Нокобилони давр ба максад намерасанд.Дуньё хамеша дар талаби марди кобил аст".Кани вазирону мансабдорони Точикистон ба шири модаратон касам ёд кунед.ки зани дуюму сеюм надоред?.Ба худо касам,агар хар якеи шумо маъшукаи хушхирому нозуку олуфта ва ё зани дустдоштаи дуюму сеюм надошта бошед,хавсалаи кориатон хеч пеш намеравад.Садхо бор мушохида кардаам,ки агар дар хамон идорахову офисхои мухташаме,ки сарвару сардорон менишинанд,агар зани зебои чавону маъшука надошта бошанду имконияти ишкварзии онхо набошад,аз маъюсиву зикки ва дилгирифтаги ба Сибирь мисли ман мухочир мешаванд.Чи чои пинхонист.Мо мардони шарки хастем.Хассосияту дарки хусни зебоии занхо дар вучуди хар яки мо аст.Агар банкирро як умр касам дех,ки миллиардхо доллар аз худи туву худат танхо бо худат бош,агар марди солиму сихат бошад,хамон доллархову банкро садка ба як чехраи зани дилхохаш мекунад.Дар даврони СССР,коммунистхо хам маъшукабозиву занхои пинхони доштанд.Магар хамин чиноят хисоб мешавад?.Рахматии Лоик гуфта аст:"Хар кучо марди бузургест,гирифтори зан аст".Хайр чи илоч Зайд барин марди зебо сохиби 4-зан будааст.Халолат бод бародари азиз.Занхо хам ба мардони кобилу ухдабаро моиланд.Аз он ки зани хушруву боаклу зебо танхову дастнигар ё бо марди бехунар зиндаги созад,бехтараш,ки зани дуюму сеюми ягон марди кобил гарданд хубтар аст.Ман хам иншооллох ба ин кор кодирам."Зани хубу дурушту порсо,кунад марди дарвешро подшох"

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!