Главная > Тоҷикистон, Фарҳангу адаб > Қарордоди Баҳром Ғафурӣ бо маркази продюсерии Беҳрӯз Зеваров

Қарордоди Баҳром Ғафурӣ бо маркази продюсерии Беҳрӯз Зеваров


25 сентябр 2013, 11:36. Разместил: MG
Баҳроми Ғафурӣ, овозхони шинохтаи попи тоҷик ҳам ахиран ба маркази продюсерии Беҳрӯз Зеваров пайвастааст.

Беҳрӯз Зеваров ба хабаргузории "Озодагон" гуфт, суҳбатҳо бо Баҳром аз як ҳафтаи қабл шуруъ шуда ва аммо қарордоди дуҷонибаро рӯзи гузашта имзо кардаанд: "24-уми сентябр зери шартнома имзо гузоштем. Муҳлати қарордод то соли 2016 хоҳад буд".

Ҷаноби Зеваров афзуд, бо хоҳиши тарафҳо шартнома метавонад баъди 23-юми сентябри соли 2016 тамдид шавад.

Бароми Ғафурӣ, яке аз хонандаҳои муваффақи попи Тоҷикистон аст. Соли 2011 дар расми тақдими ҷоизаҳои Big Apple Music Awards-и Амрико ширкат намуда, "Беҳтарин овозхони ҷавони Тоҷикистон" шинохта шуд.

"Муҳоҷирбача", "Модар", "Биё-биё", "Умри ман", "Чашми сиёҳ", "Шаробӣ" ва "Омадам" аз таронаҳои маъруфи Баҳроманд.

Дар филми "Сукут"-и коргардон Cироҷиддини Ғафурӣ нақш ҳам офаридааст.

Маркази продюсерии Беҳрӯз Зеваров ва ширкати "JM Production" то имрӯз бо зиёда аз 10 овозхони тоҷик қарордоди ҳамкорӣ дорад. Хонандаҳои шинохтае назири Ҷонибек Муродов, Парвин Юсуфӣ, Таҳмина Ниёзова, Фирӯза Ҳафизова ва Ховар Муродов ҳам бо ҷаноби Зеваров ҳамкорӣ дошта, дурнамои фаъолияти эҷодии худро ба ӯ бовар кардаанд.



Вернуться назад