Як мусофири хатсайри №8-и шаҳри Душанбе аз талаби роҳкирои бештар ва муносибати ноҷои ронандаи воситаи нақлиёти мусофиркашонӣ шикоят дорад.

Мурод Хол, сардори Саридораи геологияи Тоҷикистон тасмими “Газпром” дар бораи қатъи фаъолият дар майдонҳои нафту гази “Сариқамиш” ва “Шоҳамбарии Ғарбӣ”-ро тасдиқ кард.

Сайфулло Сафаров, ноиби аввали раиси Маркази тадқиқоти стратегии назди Президенти Тоҷикистон мегӯяд, “пропаганда”-е, ки зиддифасод роҳандозӣ шудааст, бар зарари ҷомеаи Тоҷикистон мебошад. Ӯ ин нуктаро имрӯз, 10 июл зимни як нишасти хабарӣ дар Душанбе иброз дошт.

Профессор Иброҳим Усмонов муътақид аст, ки дин ҳамчун нерӯи созандаи сулҳ дар Афғонистон ба кор намеравад.

Амруллоҳ Солеҳ, раиси пешини амнияти миллии Афғонистон ва бунёдгузори ҳаракати “Раванди сабз” аз сиёсатмадорони саршиноси он кишвар аст. Оқои Солеҳ ахиран ҷиҳати иштирок дар конфронси тарвиҷи ҳамгироӣ ё “CAMCA forum-2017” ба Душанбе омад. Дар ҳошияи ин конфронс хабарнигори мустақил Сайф Сафар бо ӯ суҳбате анҷом дод.

Кумитаи ҳолатҳои фавқулода ва мудофиаи граждании Тоҷикистон мегӯяд, давоми панҷ рӯзи оянда дар кишвар ҳарорати ҳаво то 43 дараҷа боло рафта, обшавии барфу пиряхҳо, баландшавии оби рӯдхонаҳо, хатари омадани сел ва резиши санг дар назар аст.

Раёсати бозори “Деҳқон”, калонтарин таъминкунандаи Душанбе бо маҳсулоти кишоварзӣ камҳосилӣ ва нотинҷӣ дар Кундузро далели гаронии картошка-“нони дуюм”-и мардуми Тоҷикистон хонда, боз ҳам боло рафтани нархи онро аз эҳтимол дур намедонад.

Эмомалӣ Раҳмон, раисиҷумҳури Тоҷикистон имрӯз, 5-уми июл дар мулоқот бо Муҳаммад Навоз Шариф, сарвазири Покистон аз равобити сиёсӣ изҳори қаноатмандӣ карда, хостори густариши ҳамкориҳои иқтисодӣ шудааст.

Зуҳро Исоева, духтари 17-солаи тоҷик 5 рӯз боз бедарак шудааст.

Дар феҳрасти филмҳои нави “Ҳолливуд”, ки ҳафтаи равон намоишашон оғоз шудааст, “Unfallen” қарор дорад, ки аз ҳаёти ду бародари тоҷики ҷудошуда дар замони ҷанги шаҳрвандӣ қисса мекунад.

Эмомалӣ Раҳмон, раисиҷумҳури Тоҷикистон, Нуъмон Абдуғаффорзодаро раиси Кумитаи навтаъсиси рушди сайёҳии назди ҳукумати Тоҷикистон таъин намудааст.

Сардори Шӯъбаи маркази иттилоотии қисми минтақаии РКД дар вилояти Хатлон аз вазифа барканор шудааст. Қаблан, дар бораи аз вазифа сабукдуш шудани як корманди дигари ин шӯъба -- лейтинанти калон Марям Шарифзода хабар расида буд. Хонум Шарифзода нафарест, ки шаби 16 майи соли равон дар атрофи манзили зисташ мавриди ҳамлаи афроди номаълум қарор гирифта буд.

Эмомалӣ Раҳмон, раисиҷумҳури Тоҷикистон, Комиссияи махсуси назди Президент оид ба масоили афвро таъсис додааст, ки ба таври доимӣ фаъолият хоҳад кард.

Дар маркази маъмурии вилояти Суғд давоми як моҳи ахир наздики 50 нафар аз неши каждум заҳролуд шудаанд.

Рустами Эмомалӣ барои хонандаҳову донишҷӯёни муассисаҳои таҳсилоти умумӣ, ибтидоӣ ва миёнаи касбии шаҳри Душанбе стипендияи раиси шаҳри Душанберо таъсис додааст.