Бахшҳо
16 май 2013 14:15Тоҷикистон / Иқтисодӣ

Раиси Мовароуннаҳр: Мақомот маро асосан дар бораи гирдиҳамоӣ пурсупос карданд

Турабек Охунов, иҷрокунандаи вазифаи раиси ширкати сохтмонии “Мувароуннаҳр” мегӯяд, ду рӯз боз мавриди бозпурсии мақомоти умури дохилӣ ва амнияти миллии Тоҷикистон қарор дорад.

Охунов, имрӯз, 16-уми май дар суҳбат бо хабаргузории “Озодагон” гуфт мақомот асосан дар бораи гирдиҳамоие, ки саҳҳомони ширкат ният доранд, рӯзи 3-юми июн дар Душанбе баргузор кунанд пурсупос намуданд: “Дирӯз аввал дар шуъбаи умури дохилии ноҳияи Сино ва баъдан ба Раёсати корҳои дохилии шаҳри Душанбе маро бурданд. Бо Абдураҳмон Бузмаков, сардори раёсати ВКД дар Душанбе суҳбат намудем. Имрӯз боз ба шуъбаи шаҳрии Кумитаи амният маро бурданд. Одамон аз Кумитаи амнияти ҷумҳуриявӣ омада суҳбат кардем. Аз мусоҳибҳоям ягон шикоят надорам. Муомилаи хуб карданд. Ба суолҳояшон ҷавоб додам ва онҳо гуфтанд, ки посухҳои маро ба сардоронашон хоҳанд расонд.”

Охунов ташреҳ дод, ки ба мақомот фаҳмондааст, “ман барои чизе даъво надорам ва ширкати “Мовароуннаҳр” ҳам ба ман лозим нест. Аммо саҳҳомон астанд, ки меҳоҳанд додашонро роҳбарияти олии кишвар шунавад ва манзилҳояшонро бозпас гиранд. Дар натиҷаи давутозҳои зиёди чандсола гирдиҳамоиро як роҳи ба саъми масъулин расондани шикоятҳои худ ёфтаанд.”

Ин дар ҳолест, ки ҳукумати шаҳри Душанбе ба дархости саҳҳомони ширкати “Мовароуннаҳр” дар мавриди ташкили гирдиҳамоӣ, имрӯз ҷавоби рад додааст.

Шавқат Саидов, сухангӯи шаҳрдори Душанбе дар мавриди далелҳои рад шудани дархост, ба "Озодагон" гуфт, ки “ташаббускорони гирдиҳамоӣ зимни исрсоли огоҳинома ба ҳукумати шаҳри Душанбе талаботи моддаҳои алоҳидаи қонун дар бораи маҷлисҳо, гирдиҳамоиҳо намоишҳо ва роҳпаймоиҳоро риоя накардаанд.”

Ба суол ки ташаббускорон мушахассан кадом талаботи қонунгузориро риоя накардаанд, Шавқат Саидов илова намуд, ки “дар раддияи шаҳрдорӣ маълумоти бештаре дар ин бора оварда нашудааст.”

Қаблан Маҳмадулло Асадуллоев, сардори Хадамоти матбуоти Вазорати умури дохилии Тоҷикистон, дар суҳбат бо хабаргузории “Озодагон” гуфт, “агар шаҳрдории Душанбе барои ташкили ин гирдиҳамоӣ иҷозат диҳад, мо омодаем тартиботи ҷамъиятию амниятро таъмин кунем. Агар не аз ташкили ин гирдиҳамоӣ ҷилавгирӣ хоҳем кард”

Ният буд саҳҳомоти ширкати "Мовароуннаҳр" барои ҳалли мушкилоташон бо ҷалби ҳазорҳо нафар рӯзи 3-юми июн дар пеши бинои парлумон гирдиҳамоӣ баргузор кунанд.

Ёдрас менамоем, фаъолияти ширкати «Мовароуннаҳр» баъд аз ҳабси Ҷӯрабек Охунов, раиси пешини он дар соли 2010 қатъ шуда, суратҳисоб ё худ молу амволи ин ширкат ба ҳабс гирифта шуд. Саҳҳомони ширкат мегӯянд, мақомот ба ҳар далел монеи давоми кори ширкат мешаванд ва имкон намдиҳанд, ки ширкат биноҳои нимсохтаашро ба итмом расонад ва мизоҷонро бо хона таъмин намояд.
Мӯҳр
Муштари
Ин ширкатро то ягон хешу табори аз болобудагихо аз худ накунад, ба он ичозаи фаъолият намедиханд хадаф хамин асту тамом. то холо корашон факат аз дасти дигарон гирфтани бизнес ва монополя кардани он будааст, инро дигар хатто шахси оди хам дар ватани мо медонад.Хар кас зиндагии орому тинч мехохад бояд дар ин кишвар бизнес накунад, зеро намегузоранд.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)