Бахшҳо
27 май 2013 12:00Тоҷикистон / Сиёсат

Дархости ҳузури Соҷидаи Мирзо ва намояндаи ВКХ дар баҳси додгоҳии Қаюмзод

Имрӯз, 27-уми май, додгоҳи ноҳияи Исмоили Сомонии шаҳри Душанбе аризаи даъвоии Абдуқаюми Қаюмзод, хабарнигори шинохтаи тоҷик алайҳи Радиои Озодиро баррасӣ намуда, мурофиаи навбатиро рӯзи 4-уми июн таъйин кард.

Тавре хабарнигори “Озодагон” аз толори додгоҳ хабар дод, Ёқуб Маъруфов, вакили мудофеи Радиои Озодӣ, аз додрас хостааст, ба мурофиа намояндаи Вазорати умури хориҷии Тоҷикистон даъват шавад ва далели аккредитатсия нашудани Абдуқаюми Қаюмзодро шарҳ диҳад. Чун ба гуфтаи вакили мудофеи Радиои Озодӣ, маҳз мушкили аккредитатсия сабаби қатъ шудани шартномаи ҳамкорӣ бо Абдуқаюми Қаюмзод гардидааст.

Ҳисайнов Қутбиддин, раисикунандаи мурофиа, ин пешниҳоди “Озодӣ”-ро қабул карда, зарур донистааст, барои шарҳи қазия намояндаи Вазорати умури хориҷӣ ба додгоҳ ҳозир шавад.

Хуршед Андамов (Хуршеди Ҳамдам), раҳбари дафтари бахши тоҷикии Радиои Озодӣ дар Душанбе, дар назди додрас қазияи қатъи қарордоди ҳамкорӣ бо Қаюмзодро шарҳ додаву гуфт, ки роҳбарияти "Озодӣ" аз ночорӣ ба ин роҳ рафтааст, чун ВКХ ба Қаюмзод акредитатсия надодааст.

Дар ҳамин ҳол, Файзиннисо Воҳидова, вакили мудофеи Абдуқаюми Қаюмзод, гуфтааст, мушкили аккредитатсия ин ба корфармо дахл дорад ва бояд далели қатъи шартнома бо Абдуқаюми Қаюмзод нагардад. Ӯ гуфтааст, “Озодӣ” уҳдадор аст, аккредитатсияи Қаюмзодро таъмин кунад. Воҳидова зимни мурофиа аз Хуршеди Ҳамдам аз ҷумла пурсид, ки "Оё роҳбарияти Радио расман Қаюмзодро қаблан аз қатъи ҳамкорӣ огоҳ карда буд? Оё Иттифоқи касабаи кормандони радио қазияи қатъи ҳамкорӣ бо Қаюмзодро баррасӣ кардааст?" ва ниҳоят суол кард, ки "чаро Радиои Озодӣ аз болои Вазорати умури хориҷӣ, ки ба Қаюмзод акредитатсия надод, ба додгоҳ муроҷиат накардааст?"

Вакили мудофеи Қаюмзод аз посухҳои Хуршеди Ҳамдам қаноатманд нашуда, аз додгоҳ хостааст, Соҷидаи Мирзо, раҳбари бахши тоҷикии Радиои Озодӣ аз Прага ба мурофиа даъват шавад.

Раисикунандаи мурофиа гуфтааст, баъд аз шунидани шарҳи намояндаи Вазорати умури хориҷии Тоҷикистон, дар мурофиаи оянда, ки 4-уми июн баргузор хоҳад шуд, дар мавриди даъвати Соҷидаи Мирзо қарор қабул хоҳад кард.

Воҳидова қаблан ба “Озодагон” гуфта буд, аз додгоҳ рӯёндани маоши Қаюмзодро тайи моҳҳое, ки ба кор нарафтааст ва барқарор намудани ӯ ба ҷои кораш талаб хоҳанд кард. Ӯ қатъи яктарафаи шартнома аз ҷониби Радиои Озодиро мухолифи Кодекси меҳнати Тоҷикистон донист ва гуфт, талош хоҳанд кард, дар додгоҳ аз ҳаққи Қаюмзод ҳимоя кунанд.

Ин дар ҳолест, ки қаблан Хуршед Андамов (Хуршеди Ҳамдам), дар суҳбат бо "Озодагон" гуфт, “ҳам роҳбарияти "Озодӣ" дар Душанбе ва ҳам дар Прага аз қатъи ҳамкорӣ бо Абдуқаюми Қаюмзод хеле мутаассиф аст. Сабаби аслии қатъи қарордод аккредитатсия нашудани Қаюмзод дар Вазорати умури хориҷии Тоҷикистон мебошад. Бо вуҷуди баҳсу баррасиҳои роҳбарияти Радиои Озодӣ ба Вазорати умури хориҷӣ ин ниҳод ба Қаюмзод аккредитатсия надод ва дигар мо маҷбур шудем, қарордодро қатъ кунем, чун тибқи қонунгузориҳои Тоҷикистон хабарнигор бе сабти Вазорати умури хориҷӣ ҳақ надорад, дар “Озодӣ” кор кунад.”

Андамов таъкид кард, қатъи қарордод бо Қаюмзод дар доираи қонунгузории Тоҷикистон сурат гирифтааст: “Дар Кодекси меҳнат ҳолатҳое пешбинӣ шудаанд, ки қатъи қарордоди меҳнатӣ бидуни хоҳиши тарафҳо сурат мегирад.”

Мӯҳр
Ин бисёр як бонуи хушру будастку ! Ин кадар уро паст назанед ....)))

Аспирант, ин бону дар назари аввал хушруча метова. Ту як бор дар таги дасти вай кор кун, хар карда саворут мешавад. Ин хамин аст вазъи кунунии радиои Озоди. Бону виртуални харсарвори карда гаштааст. feel

Озодагон, оё ту медони, ки баъди анчоми мурофиаи додгохи чаноби Абдукаюм Каюмзод адвокати Озодиро харидани шудааст? Каюмзод ба Ёқуб Маъруфов пули хангуфте пешниход кардааст, то ки адвокат аз химояи манфиатхои Озоди даст бикашад. Чаро инашро намегуи? Ин пешниход хам дар видео ва хам дар диктафон сабт шудааст, ки баъдтар дар Ютуб нашр хохад шуд. Интизор бошетон, мо метавонем!

барои хамаи коментхоро нашр намекунед, махсусан агар сухан дар бораи сомонаи шумо (хабар, тарзи навишти он равад).

Нашр кунед, то хама бубинанд.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)