Бахшҳо
17 июн 2013 16:03Тоҷикистон / Сиёсат

Радди даъвои Қаюмзод ва комиссия барои тафтиши "Озодӣ"

Додгоҳи ноҳияи Исмоили Сомонии пойтахт даъвои Абдуқаюми Қаюмзод алайҳи Радиои Озодиро рад кард. Ин хабарнигори маъруфи тоҷик ду моҳ пеш ба додгоҳ муроҷиат карда, талаб намуда буд, ки ӯ ба ҷои кораш дар Радиои Озодӣ барқарор шавад.

Қутбиддин Ҳисайнов, додраси парванда, рӯзи душанбеи 17-уми июн эълом кард, ки бар асоси моддаҳои 197 ва 203-и Кодекси мурофиавии Тоҷикистон даъвои Қаюмзод “ғайриқаноатбахш” гузошта шуд, аммо барои чи, шарҳ надод.

Дар ҳамин ҳол, додгоҳ алайҳи Радиои Озодӣ таъиноти махсус бароварда ва Вазорати умури хориҷиро вазифадор кард, ки дар мавриди камбудҳои ҷойдошта дар ин расона тадбир андешад ва аз натиҷааш додгоҳро огоҳ созад.

Файзиннисо Воҳидова, вакили мудофеи Қаюмзод, мегӯяд, онҳо аз қарори додгоҳ розӣ нестанд ва ҳатман ба зинаҳои болотар шикоят хоҳанд бурд. Аммо ӯ гуфт, “имрӯз додрас ду санад қабул кард. Бо як санад даъвои моро рад намуд. Бо санади дигар эътироф кард, ки Радиои Озодӣ қонунҳои Тоҷикистонро сарфи назар менамояд. Даъвои моро рад карданаш маънои онро дорад, ки ба додрас фишор овардаанд. Воқеан, аён аст, ки додрас мустақилона ин қарорро қабул накардааст.”

Абдуқаюми Қаюмзод аз соли 2001 то моҳи декбари соли гузашта ба Радиои Озодӣ гузориш медод. Аммо дар моҳи декабри соли гузашта Вазорати умури хориҷии Тоҷикистон ӯро огоҳ кардааст, ки сабти номаш тамдид намешавад ва ӯ дигар ҳаққи гузориш додан ба Радиои Озодиро надорад. Дар пайи ин, Радиои Озодӣ шартномаи ҳамкорӣ бо Абдуқаюми Қаюмзодро қатъ кардааст.

Аммо рӯзи чоруми июни соли ҷорӣ Муродбек Асламов, намояндаи Вазорати умури хориҷии Тоҷикистон, гуфт, баъд аз анҷоми муҳлати аккредитатсияи Абдуқаюми Қаюмзод вазорат 5-уми ноябри соли 2012 Радиои Озодиро расман огоҳ кардааст, ки фаъолияти ин хабарнигор 31-уми октябр анҷом ёфта, то сабти номи дуборааш набояд гузориш диҳад. “Лекин бо вуҷуди огоҳии вазорат мо ҳисоб кардем, ки беш аз 20 матлаби Қаюмзод дар радио пахш шуданд. Ин мухолифи муқаррароти додани аккредитатсия аст ва бинобар ин вазорат ба хабарнигор акредитатсия надод”,-афзуд Муродбек Асламов.

Абдуқаюми Қаюмзод ҳам гуфт, аз ин огоҳии Вазорати умури хориҷӣ огоҳ набуд ва ин суолро пеш гузошт, ки дар ҳоле фаъолияти ӯ манъ будааст, чаро роҳбарияти радио, аз ҷумла Соҷидаи Мирзо, раиси бахши тоҷикии он, иҷозат додааст, то матлабҳояш нашр гарданд. Қаюмзод гуфт, “агар роҳбарияти Радиои Озодӣ ҳамон замон, баъд аз огоҳии Вазорати умури хориҷӣ ба ман мегуфтанд, ки фаъолияти ту минбаъд дар радио мумкин нест, ман ҳам корро идома намедодам. Аммо дар бораи чунин огоҳиномаи Вазорати умури хориҷӣ нагуфтанд.”

Аммо Хуршед Андамов, раҳбари дафтари Радиои Озодӣ дар Душанбе, гуфта буд, ин шарҳи намояндаи Вазорати умури хориҷиро дуруст намеҳисобанд. Зеро ба гуфтаи ӯ, Вазорати умури хориҷӣ онҳоро дар бораи пахшу нашр накардани гузоришҳои Абдуқаюми Қаюмзод огоҳ накарда буд.
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)