Бахшҳо

Суоли "Озодагон": Кай аз талаби қарз халос мешавем?

Ҳоло Тоҷикистон аз кишварҳо ва созмонҳои молии байналмилалӣ 2 миллиарду 200 миллион доллар қарздор аст. "Озодагон" аз коршиносону масъулони идораҳои давлатӣ пурсид, кай Тоҷикистон аз талаби кумаку қарз даст мекашад?

Сайидумар Ҳусайнӣ, муовини аввали раиси ҲНИТ:
“Ҳамавақт инсонҳо ба якдигар эҳтиёҷ доранд ва кумак мехоҳанд. Кумак хостан ин хилофи табиати башарӣ нест. Ҳар қадар инсон қудратманд мешавад, эҳтиёҷоте дорад, ки онро аз касе мехоҳад. Ҳукуматҳо абарқудрат ҳам бошанд, аз давлатҳои заифтар кумак мехоҳанд. Дар умум метавон гуфт, ки кумак хостан чизи баде нест. Вале дар кишвари мо кумак хостан ба тамаъ табдил шудааст ва тамаъ ба табиат. Инҷост ҷои хатар, ки паёмбари мо доим мегуфт, Худоё, ман аз тамае ба сӯи ту паноҳ мебарам, ки он ба табиати башарӣ табдил шавад. Ин чизи бад аст ва умедворем, ки кишвари мо тамаъро барои худ як касб қарор надиҳад.”

Абдуғанӣ Маҳмадазимов, раиси Анҷумани сиёсатшиносон:
“То вақте ягон моли умумимиллӣ коркард ва пешниҳод нашавад, мо дар ҳамин ҳолат мемонем. Бовар надорам, ки дар ояндаи наздик ин кумакҳо ба поён мерасад. Чунин рафтор алакай инкишофи миллиро халалдор мекунад. Савол ба миён меояд, ки оё тунели Истиқлол ба мо лозим аст, ё барои Эрон? Ин тунел моли мост, ё аз онҳо? Яъне, идеологияи талбандагӣ то ҳамин дараҷа дар мо амиқ шудааст, ки мо ҳатто дар обод кардани як гӯшаи хонаи худ ба бегонагон нигоҳ мекунем. Дӯст ҳам бошанд, онҳо бегонаанд чун зиндагии худро доранду миллаташон ҳам дигар аст.”

Сайфулло Сафаров, муовини раиси Маркази тадқиқоти стратегӣ:
“Агар файлсуфона гӯем, ҳама чиз рӯзе ба поён меояд, минҷумла кумак хостанҳо. Чун бо афзудани имкониятҳои давлатӣ ҳоҷат ба илтимос ҳам намемонаду баръакс худи мо метавонем ба кишварҳое монанди Афғонистону дигар ҳамсояҳое, ки фақиртар бошанд, кумак кунем. Барои ин бояд заминаҳоро созему тамоми низоми иқтисодии мо хуб кор кунаду низоми идоракуниямон самаранок бошад. Танҳо дар ин ҳолат аз ин кумакталабиҳо халос мешавем. Шояд баъди 5-7 сол мо аз ин кумакҳо халос шавем. Ин ҳам ба хотири он аст, ки Роғун сохта мешаваду корхонаҳои мо бо афзудани барқ зиёд мегарданд.”

Шокирҷон Ҳакимов, доктори илми ҳуқуқ:
“Агар воқеияти Тоҷикистонро ба инобат гирем, таҳлилҳо аз он гувоҳӣ медиҳад, ки солҳои наздик кишвари мо аз созмонҳои молиявии байналмилалӣ ва давлатҳои алоҳида вобаста мемонад. Зеро азбаски молҳои истеҳсолшаванда дар Тоҷикистон рақобатпазир нест ва дар бозори ҷаҳонӣ камтар маҳсулоти Тоҷикистон ба назар мерасад, таносуби молҳои воридшаванда аз содиршаванда хеле фарқи бузург дорад. Инчунин набудани шароити мусоид барои фаъолияти соҳибкорӣ, коррупсия ва дигар падидаву зуҳуроти номтлуб самарабахшии татбиқи барномаҳои иқтисодии ҳукуматро халлалдор менамоянд.”

Исмоил Раҳматов, коршиноси масоили сиёсӣ:
“Кумаки кишварҳои хориҷӣ ба шарте, ки аз тарафи ниҳодҳои дастраскунандаи ин кумакҳо дуруст истифода шаванд, хубанд. Инки кай аз ин қарзҳо халос мешавем, ҷавобаш хеле мушкил аст. Кишварҳое чун Қазоқистону Узбакистон баъди ба даст овардани истиқлолият хеле пеш рафтанду аз ин қарзҳо ҷиҳати баланд бардоштани сатҳи зиндагии мардум истифода намекунанд. Қирғизистону Тоҷикистон кишварҳои ақибмонда ҳастанду таи солҳои наздик аз ин чиз халосӣ надоранд. Маҷбурем, ки аз Қазоқистону Русияву дигар ҳамсояҳо қарз гирем.”

Қосими Бекмуҳаммад, коршинос:
“Қарз гирифтан фақат хоси кишварҳои аз назари иқтисодӣ хурду заиф нест. Тақрибан 200 кишвар, ба шумули пешрафтатарин кишварҳои дунё, қарзи хориҷӣ доранд. Қарзи баъзеи онҳо хеле бештар аз ҳаҷми маҳсулоти нохолиси миллиашон будаву ба сари ҳар нафар аз шаҳрвандонашон ҳазорҳо доллар рост меояд. Масъалаи муҳимтар чигунагии истифода аз қарзҳои хориҷист. Агар кишвар воқеан аз он самаранок истифода бурда тавонаду заминаи рушди иқтисодӣ ва иҷтимоияшро фароҳам кунад, хуб аст. Зеро ин масъала дар ниҳоят ба бозгардондани қарзҳо кумак хоҳад намуд. Аммо вақте аз қарзи хориҷӣ «саҳм»-и ину он ҷудо карда мешаваду баъдан он чи мемонад барои иҷрои тарҳҳо истифода мешавад, ҳам сифати кор аз байн меравад ва ҳам баргардондани қарз сахт мешавад. Вале дар умум қарздорӣ чизи хубе нест. Зеро хатари ба одат ва ҳатто як навъ зеҳният ва менталитет табдил шудани он вуҷуд дорад.”
Мӯҳр
Чаро хукумати Точикистон ба таври шаффоф барори хамагон расми хисоботашро оид ба масрафкунии 2 млрд. 200 млн. доллар пешниход намекунад. Ман шахсан тули 21 соли охир факат дар бораи гирифтани карз дар матбуоту телевизион мешунаваму, оид ба рафти харчи ин карзхо ягон сухане нест. Пас ин чи маъно дошта бошад? Пас ин касрхо ва хонахои бохашамату зебо дар Точикистони бечораву кашок аз кучо бошанд?

Андозсупор
То вакте, ки дар Точикистон фасодкори ва ришваситони аз тарафи мансабдорон хаст.мо хама вакт аз дигар давлатхо карздор мемонем.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)