Бахшҳо
20 июн 2013 15:35Тоҷикистон / Тема дня

Дастури Эмомалӣ Раҳмон барои пайдо кардани қотилони Бобоевҳо

Эмомалӣ Раҳмон, раисиҷумҳури Тоҷикистон, имрӯз, 20-уми июн, зимни машварати корӣ бо роҳбарону фаъолони вилояти Суғд дар қасри Арбоби шаҳри Хуҷанд ба мақомоти қудратии вилоят дастур додааст, ки қотилони хонаводаи соҳибкор, Аҳмадхӯҷа Бобоевро пайдо кунанд.

Тибқи иттилои дафтари матбуоти раисиҷумҳур дар машварат инчунин натиҷаҳои рушди иҷтимоию иқтисодӣ ва фарҳангии вилояти Суғд тайи солҳои охир ва дар 5 моҳи соли равон мавриди таҳлилу баррасии амиқ қарор гирифта, вазифаҳои минбаъда муайяну мушаххас карда шуд.

Дастуроти раисиҷумҳур барои пайдо кардани қотилони хонаводаи Бобоевҳо дар ҳолест, ки ахиран Вазорати умури дохилии Тоҷикистон гуфт, соҳибкорони Суғд барои нафароне, ки барои ошкор кардани қатли 5 узви хонаводаи ин соҳибкор дар ноҳияи Бобоҷон Ғафуров мусоидат мекунанд, 30 ҳазор доллар подош хоҳанд дод. Вазорат мегӯяд, ин иқдоми соҳибкорони шимоли кишвар буда, ба вусъати раванди тафтишот нигаронда шудааст.

Ба иттилои ин ниҳод, барои таҳқиқи қатли панҷ узви як хонавода дар ноҳияи Бобоҷон Ғафурови вилояти Суғд гурӯҳи тафтишотӣ-оперативӣ таъсис ёфтааст: “Сардорони Раёсати кофтукоби ҷиноӣ, Раёсати ташхиси криминалистии ВУД ва Раёсати умури дохилӣ дар Суғд барои кушодани ҷинояти мазкур сафарбар шуда, тафтиши ҳодисаи мазкур зери назорати қатъии вазири умури дохилӣ қарор дорад.” Аз рӯи ин ҳодиса Додситонии вилояти Суғд ҳам парвандаи ҷиноӣ боз кардааст.

Вазорати умури дохилӣ мегӯяд, соати чори субҳи дувуми июни соли ҷорӣ “шахсони номаълум бо яроқи оташфишон мусаллаҳ гашта, бо мақсади роҳзанӣ” ба манзили Аҳмадхӯҷа Бобоев (соли таваллудаш 1973), сокини шаҳраки Ғафурови ноҳияи Бобоҷон Ғафуров, даромада, ӯву ҳамсараш ва се фарзанди кӯчакашонро ба қатл расондаанд.

Ба қавли манбаъ, оқои Бобоев ва ҳамсари 39-солааш -- Ҳаётхон Бобоева соҳибкор будаанд. Вазорати умури дохилӣ мегӯяд, афроди ношинос фарзандони ин хонавода -- Рухшона Бобоева, хонандаи синфи 9, Суҳробҷон Бобоев, хонандаи синфи 8-ро бо истифода аз яроқи оташфишони тамғаи АКМ-5,45-мм ба қатл расонда, Санҷарбеки шашсоларо ба ҳаммомхонаи ҳавлии истиқоматиаш маҳкам намудаанд, ки аз дуди оташ заҳролуд гаштаву ба ҳалокат расидааст.”

Ба иттилои манбаъ, ин афрод “дари сандуқи оҳании дар хонаи истиқоматӣ ҷойгиршударо шикаста, тахминан ба маблағи 30 000 доллари амрикоӣ ҷавоҳироти тиллоиро тасарруф намуда, бо мақсади рӯйпӯш намудани ҷинояташон бо истифодаи бензин хонаи истиқоматии Аҳмадхӯҷа Бобоевро оташ зада, аз ҷойи ҳодиса ғайб задаанд."
Мӯҳр
ПАРВИЗИ СУГДИ
Муллоохӣ Рӯзиев, сардори шӯъбаи корҳои дохилии ноҳияи Бобоҷон Ғафуров рӯзи 20-уми июн ба Радиои Озодӣ гуфт, ки гурӯҳи фаврӣ-тафтишотии ВКД ба таври шабонарӯзӣ аз пайи таҳқиқи ҳодисаи қатли хонаводаи Бобоевҳо ҳастанд ва чанд далели шайъиро ошкор карданд.

Вай афзуд, ки яке аз далелҳои шайъӣ - «пай ё изи пой, кроссовкаи андозаи 42» ошкор карда шудааст, ки дар саҳни ҳавлӣ, ки намнок будааст, ташхис карда шуд: «Чандин далелҳои шайъии дигарро ҳам ошкор кардаем, ки феълан ба хотири халал науфтодан ба ҷараёни таҳқиқи ҳодиса аз ошкор кардани онҳо худдорӣ мекунем.»

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)