21 июн 2013 11:37Тоҷикистон / Сиёсат
“Прадо”-и Ш.Хайруллоев, “Кемрӣ”-и Ф.Саидов ва “Максима”-и Асрорӣ
Ин мошинҳо истеҳсоли Куриёву Ҷопон ва Олмон буда, аз 15 то 80 ҳазор доллар арзиш доранд. Аммо то ҳол рӯшан нест, вазоратхонаву идораҳои давлатии Тоҷикистон барои харидории чунин мошинҳои хидматӣ чӣ қадар пул сарф кардаанду мекунанд.
Бо ин ҳол, хабарнигори “Озодагон” талош кард, навъ ё маркаи мошини хидматии бархе аз вазирони тоҷикро пайдо кунад. Масъулони Вазорати дифои Тоҷикистон ба хабарнигори мо гуфтаанд, генерал-полковник Шералӣ Хайруллоев мошини хидматии “Тойота Прадо” дорад, ки танҳо дар вақти корӣ аз он истифода мебарад.
Фаридун Маҳмадалиев, сухангӯи Вазорати дифои Тоҷикистон, гуфтааст, “чун қисмҳои низомӣ дар минтақаҳои гуногуни Тоҷикистон, аз ҷумла баландкӯҳҳо ҷой гирифтааст, вазири дифоъ аз мошини хидматии “Тойота Прадо” истифода мекунад.”
Нуриддин Саидов, вазири маорифи Тоҷикистон, “Ландкрузер” доштааст. Масъулони дафтари матбуоти Вазорати маорифи Тоҷикистон гуфтанд, ин мошини хидматии оқои Саидов барои иҷрои корҳои вазорат истифода шуда, барои корҳои шахсӣ ӯ мошини худашро дорад.
Рустам Менглиев, вазири адлия ва Фаттоҳ Саидов, раиси Оҷонси мубориза бо коррупсияи Тоҷикистон, “Тойота Кемрӣ” дошта, Мирзошоҳрух Асрорӣ -- вазири фарҳанг аз “Максима” истифода мекардааст. Чанд соли қабл мошини хидматии Сафаралӣ Наҷмуддинов, вазири молия, ҳам “Максима” буд ва ҳоло маълум нест, кадом навъи мошин дар хидмати ӯст.
Аз ин пештар дар Фейсбук кормандони нашрияи “ИмрӯзNews” акси мошини Абдулло Ёров, раиси ширкати “Барқи Тоҷик”-ро гузошта, қиммати онро на камтар аз 100 ҳазор доллар дониста буданд. Ин акс дар фасли сармо рӯи Фейсбук омада буд, ки он замон аксари кулли сокинони кишвар аз нерӯи барқ маҳрум буданд ва бо вокунишҳои тунди корбарони интернет рӯбарӯ шуд.
Гул Шералӣ, вазири энержӣ ва саноати Тоҷикистон, ҳам дар як сӯҳбати худ гуфта буд, ки мошини “Ландкрузер” дорад, ки ҳанӯз соли 2007 харидорӣ шудааст. Вай ҳамчунин илова карда буд, ки барои як рӯзи корӣ даҳ литр бензин дарёфт мекунанд, ки кофӣ нест ва ӯ аксаран бегоҳӣ ё субҳгоҳон пиёда ба кор меояду меравад.
Айни ин гапро бархе дигар аз роҳбарон низ баъзан такрор мекунанд. Вале соли 2009 Бег Зуҳуров, раиси Хадамоти алоқаи Тоҷикистон, гуфта буд, ки барои кам кардани харҷи идора онҳо аз хидмати дучарха ё велосипед истифода мекунанд. Ҳарчанд баъд аз ин изҳроту аксбардорӣ бо велосипед, Бег Зуҳуров бо дучарха пайдо нашудааст.
Дар гузашта ҳам мавзӯи мошинҳои гаронқимати вазирон ва раисони тоҷик мавриди таваҷҷуҳи хабарнигорон будааст. Ҳанӯз соли 2007 аз Бобоҷон Бобохонов, собиқ додситони кулли Тоҷикистон, пурсида буданд, ки дар назди идораи онҳо мошинҳои гаронқимат меистад ва оё маоши онҳо барои харидории онҳо кофист. Ӯ гуфта буд, аксари ин мошинҳоро наздикони онҳо барояшон тақдим кардаанд, ки дар Русия кору зиндагӣ мекунанд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
