Бахшҳо
21 июн 2013 15:36Тоҷикистон / Сиёсат

Миралиев таъхири мақомот дар ҳисоби зиёнҳои Узбакистонро бемасъулиятӣ хонд

Аъзои Комиссияи экологии Маҷлиси Намояндагон то ҳоло ҳисоб нашудани зиёни корхонаҳои Узбакистон ба Тоҷикистонро “хунукназарии” идораҳои масъули ин кишвар донистаанд.

Амиршоҳ Миралиев, муовини раиси Маҷлиси Намояндагони Тоҷикистон, дар ҷаласаи рӯзи 21-уми июни Комиссияи экологӣ гуфтааст, ҳарчанд соли гузашта дар ин маврид раисиҷумҳури Тоҷикистон дастур дода буд, аммо идораҳои масъул вазифаашон ва ҳамин тавр дастури президентро иҷро накардаанд.

Дар ҳоле ки ба гуфтаи ӯ, “дар ин давра Кумитаи ҳифзи муҳити зист, Кумитаи давлатии заминсозӣ ва геодезӣ якҷоя бо Академияи илмҳо ва Академияи илмҳои кишоварзӣ бояд ҳудудҳои зери таъсири корхонаҳои саноатии Узбекистон қарордошта, маълумот дар бораи мониторинги ифлосшавии ҳавои атмосфера, обҳои зеризаминӣ ва хоки атрофи партовгоҳҳои боқимондаи коркарди маъдан, муқоисаи он бо ҳудудҳои назоратии аз он дур, таркиби кимиёвии обҳои зеризаминӣ, таркиби кимиёвии хок ва монанди инҳоро муайян мекарданд.”

Ба қавли муовини раиси Маҷлиси Намояндагон, “муайянсозии таъсири партовҳои корхонаи металлургӣ ва сементбарории Бекобод ба муҳити зист ва саломатии аҳолӣ, тайёр кардани маълумоти оморӣ доир ба касалиҳо дар маҳаллаҳои атрофи Бекобод дар давоми 5-10 соли охир ва муқоисаи он бо касалиҳои деҳаҳои аз он дар масофаи (3-5 километр) ҷойгиршуда ва монанди инҳо вазифаи бевоситаи муштараки Вазорати тандурустӣ (бо пажуҳишгоҳҳои илмӣ-таҳқиқотиаш, Академияи илмҳо, Кумитаи ҳифзи муҳити зист ба ҳисоб меравад, ки бояд бечуну чаро ва оҷилан иҷро мегардиданд.”

Ба ин тартиб, аъзои Комиссияи экологӣ ин саволро дар миён гузоштаанд, ки “чаро мо дар лаҳзаҳои ҳассос ва тақдирсоз нисбат ба иҷрои супоришҳои раисиҷумҳур ва вазифаҳои хизматиамон хунукназарӣ мекунем? Мо ҳамин қадар ҳисси баланди миллию ватандустӣ дорем? Ҳамин аст, магар садоқати мо?”

Онҳо дар охир тақозо кардаанд, ба ҳамаи ин бемасъулиятӣ хотима дода шавад. “Вазифаҳое, ки то ин дам буданд ва минбаъд дар назди Шумо мӯҳтарам масъулини соҳа гузошта мешаванд, бо кадом роҳу воситае набошад, саривақт иҷро бояд кунед. Чунки ин масъала аллакай масъалаи оддӣ набуда, он ба масъалаи ору номус ва амнияту бехатарии миллӣ табдил ёфтааст”,-таъкид кардаанд онҳо.

Аз ин пеш, 10-уми июн, Шукурҷон Зуҳуров, раиси Маҷлиси Намояндагони Тоҷикистон, дар посух ба иддаои мақомоти Узбакистон дар мавриди зиёни Талко (корхонаи алюминиюми тоҷик) гуфта буд, сокинони навоҳии шимоли Тоҷикистон ҳам ним қарн боз ҷабри корхонаҳои саноатии Узбакистонро мекашанд.

Ба қавли ӯ, “корхонаҳои бузурги металлургӣ, заводҳои сементбарорӣ, шабакаҳои барқу гармидиҳии дар ноҳияҳои Бекобод ва Олмалиқи Узбакистон ҷойгиршуда дар давоми ним аср боз ҳавои атмосфера ва захираҳои оби ноҳияҳои шимоли Тоҷикистонро олуда месозанд.”
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)