08 июл 2013 16:11Тоҷикистон / Сиёсат

Барканории судяҳои Хоруғ, Истаравшан ва Панҷакент

Бобобек Файзиддинов, судяи суди ноҳияи Панҷакент дар пайи ошкор шудани камбудиҳо дар фаъолияти корияш аз мақомаш барканор карда шуд.

Дар ин бора Амирхон Исҳоқов, муовини аввали раиси Шӯрои адлия зимни нишасти матбуотии ин ниҳод, ки имрӯз 8-уми июл баргузор шуд, иттилоъ дод.

Номбурда камбудиҳои Файзиддиновро мушаххасан шарҳ надод ва ҳаминро илова намуд, ки дар 6 моҳаи соли равон дар фаъолияти ягон судя амалҳои коррупсионӣ ба қайд гирифта нашудааст.

Бино ба иттилои манбаъ, Алимшоев Пироншоҳ, раиси суди гарнизони шаҳри Хоруғ ва Рустам Неъматов, судяи суди ноҳияи Истаравшан низ дар ин давра аз вазифа озод карда шудаанд.

Амирхон Исҳоқов иброз дошт, ки Алимшоев ва Неъматов бо сабаби ба кори дигар гузаштанашон, бо арзизаи худ аз вазифа озод шудаанд.
Шӯрои адлияи Тоҷикистон нисбати 3 судяи дигар- Мирзохон Саидов, судяи суди ноҳияи Шӯрообод, Бурҳонхуҷа Ятимов, судяи суди ноҳияи Вахш ва Раҷабалӣ Наимов, судяи суди ноҳияи Шаҳритус муҷозоти интизомӣ татбиқ намудааст.

Исҳоқов қайд намуд, ки барои ошкор сохтани камбудиҳо дар фаъолияти судяҳо дар Шӯрои адлия гурӯҳи махсуси корӣ ташкил ёфтааст.

Мӯҳр

Хабарҳои монанд:

Ирик

Шурои адли Нур Нуровро судя хисоб намекунад? Агентии зиди фасод Нуровро барои аъмоли коррупсионияш магар парванда накушод ё? Хисоботи дуруги макомхои давлати боз огоз шуд!

Ҷавоб диҳед Иқтибос Шикоят

Барзу

Ба судя чазои интизомиро танхо Коллегияи интизомии судяхо бояд татбик намояд, на Шурои адлия ё дигар макоми давлати. Мустакилияти судяхо то чое махдуд шудааст, ки Шурои адлияро онхо вазоратхонаи худ мехисобанд. Ва карикатурааш дар он аст, ки дар даромадгохи бинои хамаи судхо Шурои адлия чун макоми болои дарч шудааст. Лекин Конститутсия мегуяд: судя танхо ба КОНУН итоат мекунад. Пас инро барои чи навиштем? Ха, барои шарикони хоричи ва ба дастовардани ГРАНТИ навбати!

Ҷавоб диҳед Иқтибос Шикоят

Эзоҳ илова кунед