11 июл 2013 14:26Тоҷикистон / Дин ва зиндагӣ

Созиши Девонаев бо муфтӣ дар мавриди муҳоҷирон

Хадамоти муҳоҷирати Тоҷикистон барои ҷилавгирӣ аз гароиши муҳоҷирон ба гуруҳҳои ифротгаро ва гузарондани корҳои фаҳмондадиҳӣ миёни муҳоҷирон бо Маркази исломии Тоҷикистон созишномаи ҳамкорӣ имзо намудааст.

Тибқи иттилои Хадамоти муҳоҷират санади мазкур, ки аз ҷониби Сафиалло Девонаев ва Сайидмукаррам Абдуқодирзода имзо шудааст, ба роҳ мондани корҳои иттилоотӣ ва фаҳмондадиҳиро байни муҳоҷирони меҳнатӣ оид ба касбомӯзӣ, забономӯзӣ, донистани фарҳанг ва тамаддуни миллӣ, пешгирии бемориҳои сирояткунанда, муҳоҷирати меҳнатии занон ва ноболиғон, тарбияи ҷавонон дар руҳияи ватандӯстӣ, ватанпарастӣ ва эҳтиром ба марзу бум, инчунин омодагии пеш аз сафари корӣ ба хориҷа пешбинӣ намудааст.

Ҷонибҳо инчунин дар бораи ташкил намудани сафарҳои муштараки корӣ бо мақсади бурдани корҳои иттилоотӣ ва фаҳмондадиҳӣ ва таҳлил намудани ҳолати будубоши муҳоҷирон дар хориҷа созиш намудаанд.

Мӯҳр

Хабарҳои монанд:

Сохибназар

Ба фикри банда максад аз таъсиси Хадамоти мухочират дифоъ аз хукуки мухочирон ва расонидани кумакхои хукуки ба эшон буд. Акнун маълум шуд, ки Хадамоти мухочират хам чун кумитаи дину Шурои уламо ба масъалахои дахолат дорад, ки ба дарди мухочирон намехурад.
Дар айни замон хазору як мушкилихое вучуд дорад, ки мухочирони мо дар танхои онро пушти сар карда наметавонанд. Сад афсус, ки онхо дар симои давлат ва Хукумати Точикистон ва на дар симои Хадамоти мухочират хеч пуштибоне намебинанд. Хадамоти мухочиратро зарур аст, ки ба корхои бехуда машгул нашуда, аз паи дифоъи хукукхои накзшудаи эшон шавад. Дар Русия Сайидмукаррам Абдуқодирзодаро чун муллои давлати мешиносанд ва хар фатвое ки у медихаду хар насихате ки мекунад чун супориши ХХДТ ва Хукумати Точикистон кабул мекунанд.
Кумак кунед, ки онхо кор ёбанду хуччатгузорихояшонро дуруст кунед то депорт нашаванд.

Ҷавоб диҳед Иқтибос Шикоят

собирчон

Хадамоти мухочират агар ин маблагеро ки барои сафархои муфти чудо мекунад агар чун кумак ба баъзе оилахои мухочирони фавтида ва ё депортшуда мерасонид хубтар мешуд.

Ҷавоб диҳед Иқтибос Шикоят

Эзоҳ илова кунед