Бахшҳо
19 июл 2013 13:10Тоҷикистон / Сиёсат

Генерал Раҳимов: Дар амалиёти Хоруғ геополитика набуд

Рамазон Раҳимов, вазири умури дохилии Тоҷикистон, дар арафаи яксолагии амалиёти низомии 24-уми июл дар Хоруғ, гуфт, ин амалиёт танҳо ба зидди гуруҳҳои муташаккил равона шуда буд.

Раҳимов, имрӯз, 19-уми июл, зимни нишасти матбуотӣ дар шаҳри Душанбе гуфт, дар ин амалиёт ягон геополитика набуд: “Мардуми оддиро касе таъқиб накардааст. Созмонҳои ҷиноӣ муқобилияти мусаллаҳона нишон доданд, ки шоҳиди он будем. Айни ҳол онҳо нобуд ва чанде дастгир шудаанд.”

Рамазон Раҳимов, эътироф кард, ки “мутаассифона зимни амалиёт якчанд бегуноҳ низ мумкин фавтиданд, ки айни ҳол мавриди тафтиш қарор дорад.” Дар маҷмуъ ба гуфтаи вазир имрӯз мардуми Бадахшон шукри ободию тинҷӣ мекунанд, “ташаккур мегӯянд, ки созмонҳои ҷиноиро нобуду дастгир кардем.”

Ба суол, ки аз чор нафар, ки мақомоти тоҷик соли гузашта онҳоро саркардаҳои олами ҷиноии Бадахшон гуфта буданд, айни ҳол танҳо як нафараш кушта шудаасту боқӣ дар озодиянд, вазири умури дохилии Тоҷикистон посух дод, ки “агар далеле барои роҳбари созмони ҷиноӣ гуфтани ин афродро доред, ироа кунед, мо меомӯзем. Аз рӯи иттиҳомоти қаблан эълонкарда мо кор карда истодаем.”

Толиб Айёмбеков ва Ёдгор Мамадасламов дар баробари Маҳмадбоқир Маҳмадбоқиров ва Имомназар Имомназаров, аз чор “қумандон”-и маҳаллии Бадахшон маҳсуб меёбанд, ки тобистони соли гузашта додситонӣ онҳоро қочоқи маводи мухаддир, сангҳои гаронбаҳо ва қочоқи духтарон ва барои саркашӣ аз пардохти қарзҳои бонкӣ муттаҳам карда буд. Аз инҳо соли гузашта зимни як даргирии мусаллаҳона, Имомназар Имомназаров кушта шуда буд.

Амалиёти низомӣ дар Хоруғ 24-уми июли соли гузашта, дар пайи қатли генерали амният Абдулло Назаров оғоз шуда, даҳҳо қурбонӣ бар ҷой гузошт. Дидбони ҳуқуқи башар ё Ҳюман Райтс Вотч бо гузашти тақрибан як сол аз ҳодисаҳои Хоруғ, маркази Бадахшон, мегӯяд, дар ин ноамниҳо 20 сокини осоишта ҷони худро аз даст дода буданд.

Агарчӣ ба қавли ин созмон, мақомоти расмӣ теъдоди қурбониёни ин амалиёт аз ҳисоби сокинони осоиштаро ҳамагӣ шаш нафар донистаанд.

Дар ҷараёни даргирии мусаллаҳона миёни нерӯҳои ҳукуматӣ ва мухолифони мусаллаҳ дар Хоруғ моҳи июли соли гузашта, аз ҷумла Сабзалӣ Мамадризоев, раҳбари шӯъбаи бадахшонии ҲНИТ ва ҳамчунин Имумназар Имумназаров, яке аз фармондеҳони собиқ, кушта шуда, чанд тани дигар, аз ҷумла Шерик Карамхудоев (раҳбари бахши ҲНИТ дар Хоруғ) ва дигарон боздошту зиндонӣ гардиданд.
Мӯҳр
Генерал Рахимов на танхо геополитик балки ин ГЕНАЦИД буд.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)