Баҳси додгоҳии ду маҳбуси муттаҳам ба дуруғгӯӣ ба таъхир гузошта шуд
Субҳи имрӯз, 26-уми июл раисикунандаи парвандаи Садриддин Тошев ва Суннатулло Ризоев, ду шоҳиди марги Ҳамза Икромзода, ки дар СИЗО-и Хуҷанд пушти дарҳои баста сурат гирифт, эълон кардааст, баррасии парванда то 30-юми июл ба таъхир гузошта мешавад.
Сабаби таъхири мурофиа иваз шудани айбдоркунандаи давлатӣ будааст. Ахиран, додгоҳи шаҳри Хуҷанд қарор кард, ки Нусратулло Рухсатуллоев, додситони назоратии зиндонҳо наметавонад ба ҳайси айбдоркунандаи давлатӣ дар парвандаи Садриддин Тошев ва Суннатулло Ризоев иштирок кунад.
Зимнан, айбдоркунандаи нав аз судя хостааст, барои ошноӣ бо парвандаҳо мурофиа ба таъхир гузошта шавад.
Файзиннисо Воҳидова, вакили дифои Садриддин Тошев ба «Озодагон» гуфт, онҳо низ дар навбати худ аз судя хоҳиш кардаанд, мурофиаи навбатӣ дар бинои додгоҳи шаҳри Хуҷанд, маркази вилояти Суғд баргузор шавад.
Тошев ва Ризоев, ки тирамоҳи соли гузашта, дар пайи марги Ҳамза Икромзода дар зиндони рақами аввали Душанбе, ба маҳбаси Хуҷанд интиқол ёфтанд, барои пахши ахбори дурӯғин муттаҳам мешаванд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |