Темур Варқӣ мегӯяд, “Васиятномаи модар” эҷоди ТВ Сафо нест
Масъулони телевизиони “Сафо” ва Маркази фарҳангии “Нур” дар Маскав пахши навори “Васиятномаи модар” ба Додоҷони Атовуллоро аз номи ин студия дасиса номиданд. Дар ин навор, ки зоҳиран алайҳи Додоҷони Атовулло, журналист ва раҳбари Ҷунбиши сиёсии "Ватандор" нигаронида шудааст, студияи "Сафо" ва Маркази фарҳангии "Нур" ҳамчун таҳиягарони он муаррифӣ шудаанд
Темур Варқӣ, як масъули ин телевизион, ба “Озодагон” гуфт, “агар муаллифони ҳамин дасиса гумон доранд, ки ба телекомпанияи нав зарар мерасонанд, иштибоҳ мекунанд.” Дар ҳоле ки ба гуфтаи оқои Варқӣ, “чунин дасиса баръакс ТВ “Сафо”-ро бе пул реклама мекунад. Мардумро фиреб карда намешавад. Акнун ҳатман моро тамошо мекунанд ва мефаҳманд, ки асли кор дар чист.”
Навори “Васиятномаи модар”, ки аз 27 дақиқа иборат аст, рӯзи 24-уми июли соли ҷорӣ, ҳафтае баъд аз он ки мақомот ба назди модари Додоҷон рафта, аз ӯ хостаанд, фарзандашро ба Ватан хонад, нашр гардид. Аммо дар навор ягон ҷумлае, ки бевосита худи модари Додоҷони Атовулло гуфта бошад, вуҷуд надорад.
Темур Варқӣ дар масъалаи ТВ “Сафо” гуфт, онҳо корро дар мавриди ҷамъ намудани кормандон, бастани қарордод бо шарикон ва сохтани нақшаи корӣ оғоз намудаанд. “Мо барои як бор ба эфир баромадан ба ин шабака наомадем. Худо хоҳад, ин шабакаи барҷаста на фақат дар Тоҷикистон, балки дар тамоми минтақа ва дар Афғонистону Эрону Русия хоҳад шуд”,-гуфт ӯ.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |