Гирдоварии тарҷумаи ҳоли имомхатибон аз сӯи додситонӣ
Додситонии ноҳияи Файзобод ба кулли ҷамоатҳои ин ноҳия дастур додааст, ки тарҷумаи ҳоли имомхатибони масҷидҳои ҷомеъ ва панҷвақтаро гирдоварӣ кунанд.
Имомхатиби яке аз масоҷиди ноҳияи Файзобод ба “Озодагон” гуфт, як масъули ҷамоат ба ӯ муроҷиат карда, тарҷумаи ҳолашро талаб намудааст. “Мутахассиси бахши танзими ҷамоат ба ман муроҷиат карда гуфт, ки домулло мо бо супориши прокурори ноҳия тарҷумаи ҳоли ҳамаи имомхатибони масҷидҳои ҷамоатро мегирем. Шумо ҳам шарҳи ҳолатонро навишта биёред”,-гуфт ӯ.
Мусоҳиби мо илова кард, вақте суол кардааст, ки тарҷумаи ҳоли имомхатибон ба додситонӣ чӣ лозим, ин масъули ҷамоат посух додааст: “Андозаи заминҳои дар ихтиёрбудаи ҳамаи масҷидҳо ва дигар ҳуҷҷатҳои лозимаро ҷамъ оварда, дар масчид нигоҳ медоранд. Додситон гуфт, ки тарҷумаи ҳоли имомхатибонро ҳам бигиред.”
Рӯзи 4-уми июли соли ҷорӣ Эмомалӣ Раҳмон, раисиҷумҳури Тоҷикистон дар мулоқот бо рӯҳониён эълон дошт, ки сар аз 1-уми январи соли 2014 барои имомхатибон маош таъин карда шуда, ҳамаи онҳо бо либоси ягона ё униформ таъмин шаванд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |