АКС: Харобкориҳои сел дар Ванҷ дар пайи гармои шадид
Рустамшоҳ Ёдгоршоев, раиси ҷамоати Рованди ноҳияи Ванҷ, дар суҳбат ба “Озодагон” гуфт, тахминан ним соат мешавад ҳаракати нақлиёт ба деҳаҳои Поймазор, Ван-вани болову поён, Сунгати ноҳия барқарор шудааст.
Дар ҳамин ҳол, сокинони деҳаи Старғи ин ноҳия мегӯянд, ҳарчанд ҳаракати нақлиёт ба се деҳаи Ванҷи боло аз масири Мурғутга барқарор шуда аст, аммо ҳамин лаҳзаҳо иртиботи заминӣ миёни Старғ ва Мурғутга ғайриимкон мебошад: “Субҳи имрӯз, 5-уми август, сели об 200 метр аз роҳи мошингард, ки деҳаи Старғро бо Мурғутга мепайваст, корношоям карда, рафту омад миёни ин деҳаҳо қатъ шудааст.”
Ба гуфтаи Ёдгоршоев, ҳоло дар макони ҳодиса корҳои барқароркунӣ бо кумаки мардуми маҳаллӣ тариқи ҳашар ва техникаҳои Вазорати мелиоратсия ва оби ҷумҳурӣ идома дорад: “Ҳоло корҳои барқарорсозӣ тариқи ҳашар аз ҷониби сокинони маҳаллӣ дар макони хавфноки ҳодиса-деҳаи Мурғутга рафта истодааст.”
Бояд гуфт, қатъи ҳаракат миёни деҳаҳои ноҳияи Ванҷ ва хароб гардидани роҳҳои мошингарду шусташавии даҳҳо гектар замини кораму ҷангалзорҳои минтақа дар пайи обхезии рӯди Ванҷ бори аввал набуда, солҳо инҷониб сокинонро азият медиҳад.
"Танҳо дар соли гузашта ҳудуди 50 гектар замини корам ва ҷангали рустои Ширговади ноҳияи Ванҷ дар пайи обхезӣ дар дарёи мазкур аз байн рафт",-мегӯяд як сокини ин деҳа. Аксари мардуми Ванҷ бар ин назаранд, ки фақат дар он сурат аз таҳдиди селу обхезӣ эмин шудан мумкин аст, ки агар соҳилу канораҳои дарёи Ванҷ ба таври ҷиддӣ ва ҳирфаӣ мустаҳкам карда шавад, на бо сангу шағалу реги одӣ.
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
