Бахшҳо

Сайри шомгоҳӣ бо як дӯстам, ки хост Душанберо бубинад

Халил ҚАЮМЗОД
Дуруд хонандагони арҷманд!

Нахуст, мехоҳам якояки шуморо бо фарорасии Иди Фитр муборакбод гӯям ҳамватанони азиз ва хонандагони гиромӣ!

Сӣ рӯзи Рамазон як моҳи пури муборак аст. Моҳест, ки инсон бар нафс пирӯз мешавад. Дар ин моҳ, худ шоҳиди он будам, ки бандаи мӯъмин метавонад ба хотири муқаддасот аз нафс парҳез кунад, шикастанафс бошад. Парҳезкорӣ ба хотири пок намудани рӯҳу ҷисм, парҳезкорӣ ба хотири орӣ будан аз гуноҳҳо, парҳезкорӣ ба хотири худу Худо. Пас, мантиқист агар бигӯем, ки ин моҳ моҳи муборак буду ҳасту хоҳанд монд, иншоаллоҳ.

Азизон дилу дида!

Ин навбат, дар бораи диди як шаҳрванди хориҷа аз пойтахт, шаҳри Душанбе менависам.

Як дӯстам, ки мехост ба Душанбе ояду бо он ошно шавад, ниҳоят омад. Дар фурудгоҳ пешвоз гирифтаму бурдам то ба меҳмонхона. Ба хотири гармии ҳаво ва кӯфти роҳ, ваъда шуд, ки шом вохурем. Ҳамин тавр ҳам шуд. Омадам назди меҳмонхона, зангаш задам. Ӯ аз меҳмонхона баромаду вохӯрдем. Пурсидам, ки гушнаӣ, ки гуфт: “на”. Гуфтам, мехоҳӣ аввал куҷоро бубинӣ, ки гуфт: “парчамро”. Оҳиста-оҳиста, қадамзанон, аз самти меҳмонхонаи “Пойтахт” то ба Боғи Парчами Миллӣ рафтем. Нишастем дар як харак. Пурсидам, ки шаҳрро чӣ гуна дарёфтӣ, ки гуфт: “Душанбе шаҳри хеле сабз будааст.” Баъд чашмаш ба ҳавзи назди парчам расид. Дид, ки онҷо пури партов. Ҳарду нороҳат шудем. Ӯ аз дидани он манзара, ман аз дидани ӯ он манзараро. Пурсидам, ки чӣ гап шуд, ки гуфт: “чизе нест.” Баъди чанд сонияи хомӯшӣ, ниҳоят гуфт: “Инҷо пур аз қуттиҳо барои нигоҳ доштан партов гузошта шудаанд, чаро мардум ба беруни он партовҳоро мепартоянд? Масофа дур, ки нест”, гуфт ӯ. Гуфтам, имрӯз ид буд, шояд ба хотири он бошад, ки қуттиҳо пур шуда бошанд. Аммо, чаро ҳавз пури партов аст, ин саволро гӯиё нашунида бошам, хомӯш мондам. То ба расидан ба Боғи Парчами Миллӣ ҳарду хушҳол будем. Ман бо ифтихор ӯро бо Душанбе ошно мекардам. Инҷо хиёбони Рӯдакӣ, инҷо Вазорати фарҳанг, инҷо Академияи улум, инҷо Театри опера ва балет, инҷо Китобхонаи миллӣ, инҷо Боғи Устод Рӯдакӣ, инҷо Хонаи Радио...

Аммо ҳамаи ин биноҳои зебову дарахтони сабз натавонистанд табъи маро то ба охири вохӯрӣ болида нигаҳ доранд. Ҳамаи ин зебогиҳо натавонистанд ҷуброн кунанд, ки чаро дар ҳавз мардуми мо партов мепартоянд?! Табъам хира шуд. Гуфтам, биё биравем. Бархестем. Хостам, ки ӯро ба ягон қаҳвахона даъват кунам, то ки он саҳнаро ҳарду фаромӯш кунем. Аз тарафи собиқ бозори “Баракат” баромадем аз боғ. Боғ пур аз пайкараву нимпайкароҳо буд. Як ҳайкал ба назари дӯстам хеле зебо намуд, рафтем наздики он. Дар зери ҳеч кадоме аз он ҳайкалҳо навишта нашуда буд, ки ин ҳайкали кист, он ҳайкали кист? Ҳатто мани тоҷик ҳам, намедонистам, ки он муҷассама муҷассамаи кӣ буд. Шояд шоҳ Ҷамшед бошад, мегуфтам ба худ, шояд каси дигар... Чизеро дӯстам пайхас бурд, ки аз ман напурсид, ки он ҳайкали кӣ аст. Танҳо гуфт, ки хуб мебуд, агар боғ каме равшантар бошад. Шояд ин як шӯхии писхандомез буд, шояд аз торикӣ. Ҳарчанд чанд лаҳза пеш Қасри Сафедро дида будем, ки онҷо ҷароғҳо медурахшиданд, қатор-қатор.

Баъд аз қаҳвахона, дубора рафтем то ба меҳмонхона. Пеш аз хайрухуш кардан, пурсидам, ки сайругашт маъқул шуд? Гуфт: “Душанбе шаҳри сабз, пур аз дарахту гул, аммо чаро роҳҳои шаҳри шумо ин қадар вайронаанд?”... Ман, бо табассуми заҳролуд, ба ӯ шаби хуш таманно кардам.
Мӯҳр
дига гап наёфти,ки маколаатро орову торо дихи

Фира
Нагуфтед шахри мо бо хамин рохои кандааш зебост

Ватандуст
Ин дустат аз кучо буд. У магар барои эродгири омада буд е пахлухои дигари масъала дар назараш наметофт. Ман хам зиед дар сафарам ва хам дар аврупо ва амрико ва мамолики араб камбудихои зиед мебинам вале сохибхонаро ягон бор табъашро хира наменамоям. Имруз бе таънаю маломати дигарон бояд чомеаро фарзандонро атрофиенро тарбия кунем ки аклу тамизашонро боло кунанд.


az moskov
Hak bar hak barodar! na har kas botini gaphoyash dark mekunad! ofarin net slov....

Самад
Ачаб маколаи бемаъне.................... Ин холат дар тамоми гушаву канори олам вучуд дорад. Барои мисол як ба Ватани дустат рафта биё, шояд чунин манзараро бубини агар набини баъд метавони ин маколаро боз калон карда нависи............
Аммо тозагиро гарави саломати гуфтаанду тозаву озода нигох доштани кучаву хиёбонхо, аз чумла богхои истирохати маданияти баланди шахрдори. Бояд ин хама камбудихоро бо чашми худ бубинем, на аз чашми ким кадом хоричи ва дусти Каюмзод.

Dev
Самад,
Mo hamin tavr hudamonro taskin mebahshem, vale az pasi isloh umuman nestem. Megui,ki dar hama joj hast , vale man meguyam,ki chunin dar Avrupo nest, masalan dar Olmon hurd to kalon medonand,ki partovro kujo boyad partoyand.Mo boyad az bogchai bachagon sar karda biguem,ki partov dar kuijo partofta shavad va behtar mebud avval padaru modar inro medonistand.

Куттихои партов барои чинихо ва инглисзабонхо гузошта шудаанд. Аз надонистани ин забонхо точикистониен намедонанд шишаро дар кадом тарафаш партоянду партови дигарро дар кадом тараф. Дар як рекламаи ин куттихо дар ТВ хам ин хатогиро такрор карданд. Кучарубон ба тарафи куттии ки ба шиша ва пластик аст хокро бо белча мепартоянд! Ин аст фарханги мо!

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)