Кумитаи тафтишотии Русия мегӯяд, киштии «Булгария» замони ғарқшавияш ҳомили 201 нафар буд, ки 114 каси онҳо ба ҳалокат расидаанд. 8 тан аз мусофирон дар феҳрасти беномунишонгаштагон сабт шудаанд, 79 нафари боқимонда наҷот ёфтанд.
Қаблан хабар дода мешуд, ки дар дохили киштӣ 208 нафар қарор доштааст. Владимир Маркин, намояндаи расмии кумитаи тафтишотии Русия гуфтааст, ҳафт нафар аз рӯйхати мусофирони бенишонгардида берун шудаанд. «Онҳо ё наҷот ёфтаанд ва ё саҳван ба феҳрасти мусофирон сабт шудаанд»,-илова намудааст Маркин.
Ёдовар мешавем, киштии «Булгария» 10 июли соли равон замоне, ки аз самти Болгар ба Қазон ҳаракат мекард, зери об рафт. Амалиёти аз зери об берун кашидани «Булгария» субҳи имрӯз оғоз шуд.{jathumbnail off}
Мӯҳр