Бахшҳо

Ҳафт муовини дабири кулли СММ ба Душанбе меоянд

Эмомалӣ Раҳмон, президенти Тоҷикистон имрӯз,16-уми август Ребека Гринспан,муовини дабири кулли Созмони Милали Муттаҳид, муовини мудири Барномаи рушди ин созмонро, ки ба Душанбе барои омодасозии Конфронси байналмилалии об ва иштирок дар он ташриф овардааст, ба ҳузур пазируфт.

Тавре Хадамоти матбуотии президент иттилоъ дод, хонум Гринспан доир ба муносибати Тоҷикистон ба ин ҳамоиши муҳим, ки дар доираи чорабиниҳои “Соли байналмилалии ҳамкорӣ дар соҳаи об” баргузор мегардад, таассуроти худро баён дошта, ба сатҳи омодагиҳо баҳои баланд дод.

Ребека Гринспан изҳор доштааст, ки “мо пешсафию пешоҳангии Шумо, муҳтарам Президент ва кишвари шуморо дар татбиқи ҳадафҳои рушди ҳазорсола бори дигар таъйид менамоем, зеро Шумо ва Ҷумҳурии Тоҷикистон дар воқеъ дар ҳаллу фасли масоили глобалии вобаста ба рушд, хусусан дар соҳаи об пешвоед”.

Бино ба иттилои манбаъ, ин намояндаи СММ бо ишора ба мушкилоти кишвар дар самти таъминот бо нерӯи барқ таъкид намудааст, ки барои татбиқи иқдоми Дабири кулли СММ – “Энергияи устувор барои ҳама” низ Тоҷикистон кишвари пилотӣ (озмоишӣ) пазируфта шудааст: “Ребека Гринспан изҳори боварӣ намуд, ки ҷомеаи ҷаҳонӣ кӯмаку дастгирии худро барои бартараф намудани ин мушкилӣ дареғ намедорад”.

Дар вохӯрии мазкур хотиррасон шудааст, ки дар Конфронси байналмилалии сатҳи баланд доир ба об беш аз 900 нафар сиёсатмадорон ва олимону коршиносони бахшҳои гунгогуни вобаста ба об ва ҳифзи муҳити зист аз зиёда аз 70 кишвари ҷаҳон ва созмонҳои сершумори байналмилалию минтақавӣ иштирок хоҳанд дошт.

Манбаъ мегӯяд, дар ин мулоқот қайд гардид, ки танҳо аз СММ ҳафт муовини Дабири кулли он ва мутахассисону масъулони сершумори дигар ба шаҳри Душанбе ташриф меоранд.

Эмомалӣ Раҳмон изҳор доштааст, ки ноил гаштан ба ҳадафҳои рушди устувор ҳамкории босамарро бо шарикони байналмилалӣ, аз ҷумла бо сохторҳои Созмони Милали Муттаҳид тақозо мекунад. Президент ба ҳамкории ниҳодҳои СММ, аз ҷумла Барномаи рушди он бо Тоҷикистон баҳои баланд дода, изҳори боварӣ намудааст, ки робитаҳои судбахши ду ҷониб минбаъд густариши бештар пайдо мекунанд.

Дар ин мулоқот Ребека Гринспан Эмомалӣ Раҳмон ва мардуми кишварро бо дастовардҳои намоёни рушд, аз ҷумла дар соҳаи маориф ва коҳиш додани сатҳи камбизоатии аҳолӣ табрик гуфтааст.

Тибқи иттилои Вазорати корҳои хориҷа, аз миёни кишварҳои даъватшуда ягона кишваре, ки ҳанӯз омодагии худро барои ширкат дар ин ҳамоиш расман изҳор надоштааст, ин Узабкистон мебошад.
Мӯҳр
Ва дар чунин чорабинии мухим, ки бо иштироки 7 (!) муовини дабири кулли созмони мухимтарини давлатхои чахон СММ мегузараду бевосита ба проблемаи Узбекистон хам дахл дорад, намояндагони Каримов боз иштирок намекардаанд! Чи бехурмати нисбати башарият! Ба ана ин хел давлат фишор овардан ва эмбарго эълон кардан даркор, на ба Эрон!

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)