Амрико аз Душанбе дар бораи лагери муҳоҷирин пурсид
Намояндагони сафорати Амрико дар Душанбе дар мулоқот бо масъулини Хадамоти муҳоҷирати Тоҷикистон, мавқеи мақомоти тоҷикро дар баробари ташкили лагери муваққатӣ барои муҳоҷирон дар Русия пурсидаанд.
Анвар Бобоев, муовини якуми раиси Ҳадамоти муҳоҷират, 16-уми август, дар суҳбат бо «Озодагон» таъйид намуд, ки воқеан, 15-уми август, бо Хизер Джонстон, котиби дуюми сафорати Амрико оид ба масъалаҳои сиёсӣ ва иқтисодӣ мулоқот доштааст.
Бобоев афзуд, ки Хизер Джонстон аз масъулини хадамот суол кард, ки дар мавриди хаймаҳои муваққатии Русия чӣ назар доранд? Дар посух муовини аввали раиси Хадамоти муҳоҷирати Тоҷикистон гуфтааст, то ҷое иттилоъ дорад, роҳандозии чунин хаймаҳои муваққатӣ барои муҳоҷирон меҳнатӣ дар қонунгузории ҳеч як давалати дунё, аз ҷумла Русия вуҷуд надорад: «Муҳоҷирон барои он ба он ҷо мераванд, ки кор кунанд, на ин ки онҳоро боздошт намуда, дар хаймаҳо нигоҳ доранд».
Ин дар ҳолест, ки ахиран Русия барои нигоҳдории муҳоҷирони ғайриқонунӣ лагерҳои махсуси хаймавӣ ташкил кардааст ва ният дорад, барои қонунӣ гардондани ин лагерҳо қонуни махсус қабул кунад. Аммо ҳуқуқшиносони ин кишвар лагерҳоро ғайриқонунӣ ва алайҳи сарқонуни Русия мегӯянд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |